«Е-Заң көмегі» бірыңғай ақпараттық жүйесі адвокаттық қызметті және Заң кеңесшілерінің қызметін автоматтандыру үшін, сондай-ақ, адвокаттар мен заң кеңесшілерінің әділет органдарымен, адвокаттар алқасымен, заң кеңесшілерінің палатасымен өзара іс-қимылын жеңілдету мақсатында, сондай-ақ, жеке/заңды тұлғалармен адвокаттық қызметті және Заң кеңесшілерінің қорғаушы немесе өкіл ретінде қызметін жүзеге асыру үшін құрылған.

«Е-Заң көмегінің» негізігі міндеті білікті заң көмегіне конституциялық құқықты іске асыруды қамтамасыз ету, оны көрсету кезінде заңдылықтың бұзылуын болдырмау, ықтимал сыбайлас жемқорлық құқықбұзушылықтардың, бюджет қаражатының негізсіз төлемдерінің жолын кесу, қағаз құжат айналымын және артық әкімшілік кедергілерді барынша азайту, уақыт пен қаражатты үнемдеу болып табылады.

Ақпараттық жүйе азаматтардың білікті заң көмегіне қолжетімділікті қамтамасыз етуге және жеңілдетуге бағытталған.

Ақпарат көзі: ГУ «Аппарат акима Восточно-Казахстанской области»