Жыл сайын жаз мезгілінің басталуымен елорданың су айдындарының жағалауында демалушылар қатары артып келеді. Осыған байланысты, қаланың ТЖ департаменті адамдардың қаза болуына және жарақаттануына жол бермеу бойынша барлық қажетті іс-шараларды қарқынды жүргізуде. Коммуникациялар қызметінде өткен брифингте қабылданып жатқан шаралар туралы Астана қаласы ТЖД Азаматтық қорғаныс басқармасының бастығы Азамат Құсайынов баяндады, деп хабарлайды қалалық әкімдіктің ресми сайты.

Елорда әкімі «2024 жылғы шомылу маусымы кезеңінде Астана қаласы тұрғындарының қауіпсіздігін қамтамасыз ету жөніндегі іс-шаралар жоспарын» бекітті.

Қазір Астана ТЖД күштері мен құралдары алдағы шомылу кезеңіне дайын.

«Департамент, Апаттар медицинасы орталығының қызметкерлері мектептерде мұғалімдермен, оқушылармен «Судағы қауіпсіздік» тақырыбы бойынша түрлі конкурстар, вебинарлар, іс-шаралар, сабақтар өткізді. Жыл сайын Астана қаласының жұмыспен қамту орталығынан қоғамдық қызметкерлер жұмылдырылады. Күн сайын олар біздің қызметкерлермен бірге судағы қауіпсіздік бойынша үгіт-насихат жұмыстарын жүргізеді, судағы қауіпсіздік ережелерін сақтау бойынша жадынамалар таратады. Шомылу маусымы кезінде халықтың қауіпсіздігін қамтамасыз ету бойынша Полиция департаментімен тығыз өзара іс-қимыл ұйымдастырылды. Осылайша, полиция департаментімен және Ұлттық ұлан ә/б-мен бірлескен рейдтер өткізу жоспары бекітілді», - деді спикер.

Азамат Құсайыновтың мәліметінше, бүгінде Астана су айдындарында елорда тұрғындары мен қонақтарының жаппай демалуы үшін жүзуге рұқсат етілген 5 жағажай белгіленді: 4 жеке ақылы жағажай: «Орталық қалалық жағажай», «Три пескаря», «Столичный двор», «Армина» демалыс аймақтары және 1 тегін коммуналдық жағажай.

Сондай-ақ, су айдындарының 21 учаскесі орнатылды, онда жүзуге тыйым салынады.

Рұқсат етілген және тыйым салынған учаскелердің тізбесі «2 GIS» платформасында орналастырылған.

«Тыйым салынған учаскелерге «шомылуға тыйым салынады» деген белгілер, сондай-ақ қалқымалы белгілер, ақпараттық стендтер, бейнебақылау камералары орнатылды, бұл рұқсат етілмеген жерлерде шомылу фактілеріне мониторинг жүргізуге және уақытылы ден қоюға мүмкіндік берді. Астанада шомылу маусымы 1 маусымда басталады. Тек арнайы жабдықталған рұқсат етілген орындарда, жағажайларда, бассейндерде шомылу керек», - деп ескертті басқарма басшысы.

Оның айтуынша, қауіпсіз шомылуға жарамды судың төменгі температура шегі +18°С, ауа температурасы +22°С – денсаулығы жақсы адамдар үшін. Балалар мен денсаулығы нашар адамдар үшін мұндай температурада шомылу денсаулық пен өмірге қауіп төндіреді.

Спикер сонымен қатар судағы қауіпсіздік ережелерін еске түсірді.

Сонымен, қалқымалы белгілерге дейін жүзуге, мас күйінде су түсуге тыйым салынады. Өйткені, судағы жазатайым оқиғалардың 80%-ы осы себепті болады. Балаларды су объектілерінің жанында қараусыз қалдыруға, бейтаныс жерлерде шомылуға және сүңгуге болмайды. Суға түсу кезінде арналмаған заттарды пайдалануға тыйым салынады.

Ақпарат көзі: ГУ «Аппарат акима города Астана»