Балаларды қорғау күні «Сарыарқа» ауданы өзінің кішкентай тұрғындарын ойын-сауық пен демалу үшін сүйікті орындарына айналған аулаларын жаңартуымен қуантты. «Халық қатысатын бюджет-2024» жобасы аясында Д.Бабатайұлы көшесі, 6, 8, 14, 16, 18 және Кендала көшесі, 2, Боталы көшесі, 26 мекенжайларындағы аулалар күрделі жөндеуден өтті.

Күрделі жөндеу жүргізілген аулаларда жаңа резеңке жабын жайластырылып, ойын элементтері жаңартылды, спорт алаңдары мен футбол алаңдары жабдықталды. Жобалар өз бастамаларын іске асыруға елеулі үлес қосқан тұрғындардың өтініштері негізінде іске асырылды. Сонымен қатар, ағымдағы жылы «Халық қатысатын бюджет-2024» жобасы бойынша 30 ауланы абаттандыру жоспарланған.

Жөнделген аулалардың ресми ашылуынан кейін балалар өздерінің сүйікті мультфильм кейіпкерлерімен кездесіп, ойындар мен байқауларға қатысып, сыйлықтар алды.

Ауданды абаттандыру жұмыстары тек аулалармен шектелмейді. Ағымдағы жылы Біржан сал, Гете, Құтпанов көшелері мен Республика даңғылын қайта жөндеу жоспарланған. Жаңа көше жиһаздары орнатылып, ескі жарық тіректерін жаңасымен алмастыра отырып, қосымша жарықтандыру жүргізіледі.

Сондай-ақ, биыл «Сарыарқа» ауданы аумағында Юбилейная көшесі, 22 және Жеңіс даңғылы, 34 мекенжайлары бойынша екі жаңа қоғамдық кеңістік пайда болады. Қазіргі заманғы жайлылық пен қауіпсіздік стандарттарын ескере отырып абаттандырылатын болады

Сонымен қатар, жаңартылған «Ақжайық» саябағының ресми ашылуы өтті. Бұл тынымбағы осы жылы күрделі жөндеу жүргізілді. Енді бұл орын барлық тұрғындар үшін жайлы демалу аймағы және ойын алаңына айналды. Балаларды қорғау күніне орай концерт, көңілді аниматорлар мен балаларға сыйлықтар ұйымдастырылды.

Биыл Астанада 170 аула мен қоғамдық кеңістік абаттандырылады. Қаланың барлық аудандары, соның ішінде тұрғын алаптары да жұмыспен қамтылған. Жұмыстың бір бөлігі аяқталды.

Ақпарат көзі: ГУ «Аппарат акима города Астана»