eGov.kz порталында «Көлік тарихы» сервисінің көмегімен автокөлікке иелік ету тарихы туралы ақпаратты тексеру мүмкіндігі пайда болды.

Сервис пайдаланушыларға сатып алудың алдында көліктің тарихын тексеруге көмектеседі. Тексеру үшін әлеуетті сатушыдан көліктің мемлекеттік нөмірін және техникалық паспорт нөмірін білу қажет.

«Көлік тарихы» сервисінен төмендегі ақпаратты алуға болады:

- автомобиль маркасының атауы және шығарылған жылы;

- қозғалтқыштың көлемі, көліктің түсі және қосымша орнатылған жабдықтың болуы;

- ҚР аумағында автокөлікті алғашқы тіркеу күні;

- автокөлікті қайта тіркеу күндерімен бұрынғы иелерінің жалпы саны (меншік иелері туралы дербес деректер көрсетілмейді);

- көлік құралына кепілдің немесе ауыртпалықтың болуы.

Автокөлік туралы ақпарат алу үшін:

- eGov.kz порталында авторизациядан өтіп, «Көлік тарихы» сервисін таңдаңыз;

- «Автомобильдің мемлекеттік нөмірі (МТНБ)» және «Автокөлік құралын тіркеу туралы куәліктің нөмірін (КҚТК)» енгізіңіз;

- Автомобиль туралы ақпаратпен танысыңыз

Ақпарат көзі: ГУ «Аппарат акима города Актобе»