Катонқарағай ауданының әкімдігі "Катонқарағай ауданының тұрақты дамуы" қорымен бірлесе, "Kazakh Tourism" ұлттық компаниясының және PKF hospitality Group шетелдік консалтингтік компаниясының қатысуымен аудандағы туризмді дамыту бойынша шеберлік жоспарын әзірлеуге келіссөздер жүргізіп, өзара шарт жасасты.

     - Келіссөз барысында ауданның мәдени-экономикалық тұтастығын дамытуда стратегиялық ұсынымдар әзірлеу үшін туризмді, жалпы экономикалық жағдайды сондай-ақ ресурстардың әлеуетін арттыру стратегиясына талдау жасалды,- деді Катонқарағай ауданы әкімінің міндетін атқарушы Расул Карабалинов.

Айта кетейік, Катонқарағай ауданы Шығыс Қазақстанның флора мен фаунаға бай інжу-маржаны. Табиғаттың бар жауһарларына бай бұл ауданда экологиялық, ауылдық және сауықтыру туризмі жыл санап белсенді дамып келеді. 

Ақпарат көзі: ГУ «Аппарат акима Восточно-Казахстанской области»