Мемлекеттік қызмет істері агенттігі «Мемлекеттік қызмет көрсетуші мектебі» жобасы аясында Еңбек және халықты әлеуметтік қорғау министрлігімен бірлесе жергілікті атқарушы органдардың қызметкерлері үшін мемлекеттік қызмет көрсету мәселелері бойынша оқыту семинарын өткізді.

Іс-шараға еңбек және әлеуметтік қорғау саласының 300-ден астам маманы қатысты.

Семинар барысында тыңдаушыларға әлеуметтік көмек тағайындау, мүгедектігі бар балаларды үйде оқытуға жұмсалған шығындарды өтеу саласындағы мемлекеттік қызметтерді көрсету тәртібін айқындайтын нормативтік құқықтық актілердің негізгі ережелері, сондай-ақ еңбек мигранттарының жеке табыс салығы мәселелері түсіндірілді.

Семинарға қатысушылар мемлекеттік қызмет көрсету тетіктері мен алгоритмдерін жақсартуға бағытталған ұсыныстар мен ескертулерін айтты. Мысалы, ел өңірлері арасында мүгедектігі бар адамдарға оңалту құралдарын беруді үйлестіру үшін «Е-Собес» ААЖ жүйесінде деректерді интеграциялау қажеттілігі айтылды.

Агенттік «Мемлекеттік қызмет көрсетуші мектебі» бағдарламасына сәйкес оқыту семинарларын тұрақты түрде өткізіп, қызмет көрсетушілердің тиімді жұмысын қамтамасыз ету үшін мемлекеттік көрсетілетін қызметтердің барлық спектрін қамтитын болады.

Ақпарат көзі: Агентство Республики Казахстан по делам государственной службы