Қазақстан Республикасы Жоғары Сот Кеңесінің бастамасымен Maqsut Narikbayev University және Жоғары Сот Кеңесі жанындағы Сот төрелігі академиясы делегацияларының кездесуі өтті.

Іс-шараға Сот төрелігі академиясының вице-ректоры Қанат Мусин, Жоғары Сот Кеңесінің Төрағасы Дмитрий Малахов, Жоғары Сот Кеңесінің мүшелері, MNU Басқарма Төрағасы Талғат Нәрікбаев, университет провосты Сергей Пен, сондай-ақ Maqsut Narikbayev University профессорлық-оқытушылық құрамы қатысты.

Кездесудің мақсаты құқықтық жүйенің заманауи талаптарына сәйкес келетін жоғары білікті мамандарды даярлау бойынша ұсыныстар әзірлеу үшін жоғары оқу орындары арасындағы ынтымақтастықты нығайту болды.

Жоғары Сот Кеңесінің өкілдері заңгерлерді сапалы даярлау — елдің құқықтық жүйесінің тұрақтылығының кепілі екенін атап өтті. Өз кезегінде MNU делегациясы инновациялық білім беру бағдарламаларын енгізудің табысты тәжірибесімен бөлісіп, бірлескен тренингтер мен семинарлар шеңберінде ынтымақтастықты кеңейтуді ұсынды.

Ақпарат көзі: Қазақстан Республикасы Жоғары Сот Кеңесі