МИНИСТР «САМҰРЫҚ-ҚАЗЫНА» ЖӘНЕ «САМҒАУ» ҒЫЛЫМИ-ТЕХНОЛОГИЯЛЫҚ БАСТАМАЛАР ОРТАЛЫҒЫ» ӨКІЛДЕРІМЕН КЕЗДЕСТІ

ҚР Ғылым және жоғары білім министрі Саясат Нұрбек «Самұрық-Қазына» АҚ және «Самғау» ғылыми-технологиялық бастамалар орталығы» Қорының өкілдерімен ғылыми-техникалық ынтымақтастық мәселелері бойынша кездесті.

Кездесуге сондай-ақ вице-министр Дархан Ахмед-Заки, Ғылым комитеті төрағасының орынбасары Аян Рамазан, «Самұрық-Қазына» АҚ және «Самғау «ҒТБО» Қоры тарапынан «Самұрық-Қазына» АҚ ғылыми-технологиялық бастамалар орталығының Басқарма төрағасы Төлеген Орашев, инвесторлармен жұмыс жөніндегі сектор басшысы Нұрлан Ахметов қатысты.

Министр Қазақстанда ғылым мен жоғары білім беруді дамыту мақсатында ведомство жүргізіп жатқан реформалар туралы айтып өтіп, кездесу барысында ынтымақтастық, ғылыми-инновациялық және инвестициялық жобаларды іске асыру, бірлескен «Ғылыми-инновациялық хакатонды» өткізу мәселелері көтерілді.

«Қазақстан металлургия, химия және микробиология сияқты салаларда сақталған ғылыми мектептерді қоса алғанда, елеулі артықшылықтарға ие. Ғылымның ашық моделіне көшу және ғылыми-зерттеу институттары мен университеттердің ресурстарын кәсіпорындар үшін қосымша құн құруға бағыттау экспорттық кірісті арттыруға ықпал етеді. Ғылыми кадрларды тікелей өндірістік кәсіпорындарда дайындау қажет. Біздің мақсатымыз – ғылыми кәсіпорындардың дамуына және ел үшін пайдалы инновацияларды құруға көмектесу. Мәселен, қазіргі уақытта жасанды интеллектті цифрландыру және енгізу үшін кадрлар даярлау 17 ЖОО-да жетекші технологиялық әріптестермен ынтымақтастықта 15 бағдарлама бойынша жүзеге асырылады», - деп атап өтті Саясат Нұрбек.

Бүгінгі таңда 27 мықты шетелдік университет өңірге кіру туралы шешім қабылдады. Олардың бесеуі елде толыққанды кампустар салуды жоспарлап отырғаны айтылды. Кездесуде заңнамалық базаны жетілдіру жоспарлары да талқыланды. Соңғы екі жылда «Ғылым және технологиялық саясат туралы» Заң сияқты жаңа заңдарды әзірлеу мен қабылдауда айтарлықтай прогреске қол жеткізілді.

Министрмен кездесуде «Самұрық-Қазына» АҚ ғылыми-технологиялық бастамалар орталығының Басқарма төрағасы Төлеген Орашев ғылым мен өндірістің өзара іс-қимыл жүйесіндегі негізгі проблемаларды, қазірдің өзінде іске асырылған ғылыми-зерттеу және тәжірибелік-конструкторлық жұмыстар бойынша бірыңғай деректер базасы жоқ екенін атап өтті. Қойылған өндірістік міндеттерді шешу үшін бірқатар ұсыныс тасталды.

Кездесу бірлескен жұмысты жалғастыру және Қазақстанның ғылыми-технологиялық әлеуетін нығайтуға бағытталған жаңа бастамаларды әзірлеу туралы уағдаластықпен аяқталды.

Ақпарат көзі: Қазақстан Республикасы Ғылым және жоғары білім министрлігі