30 шілде күні өңір басшысы Нұрдәулет Қилыбайдың төрағалығымен «Ауыл шаруашылығы саласын дамыту» мәселелеріне арналған жиын өтті. Кездесуге ауыл шаруашылығы саласының мамандары, ардагерлері, шаруа қожалықтарының иелері мен жергілікті атқарушы органдардың өкілдері қатысты, деп хабарлайды Маңғыстау облысы әкімінің баспасөз қызметі.

Екі сағатқа созылған басқосуда субсидия бөлу, құдық қазу субсидиясы, шалғай жерлерді ұялы байланыспен қамту және жақында ғана шаруа қожалықтарына салынған салық сынды бірқатар түйткілді мәселелер талқыланып, оларды шешу жолдары қарастырылды.

Аймақ басшысы Нұрдәулет Қилыбай шаруалардың өзекті мәселелерін шешу үшін барлық қажетті шараларды қабылдайтынын айтты.

- Бір жиналыстың үстінде қордаланған мәселелердің барлығы шешіле қоймайды. Алдағы уақытта бүгінгі ұсыныстарды зерделеп, түйіткілдерді тарқатуға, құдық қазу бойынша, тиісті мекемелермен келісуге жұмыстанамыз. Сонымен қатар, аудан, қала әкімдеріне тоқсанына бір рет мал ауылдарды аралап, шаруалармен тығыз байланыс орнатуды тапсырамын, - деді Нұрдәулет Қилыбай.

Ақпарат көзі: ГУ "Аппарат акима Мангистауской области"