Биылғы жылы ауданның егістік алқабы 116,2 мың га құрады, оның ішінде: дәнді дақылдар - 48686 га, жем-шөп - 40125 га, майлы дақылдар - 19750, картоп - 4310 га, көкөністер - 3380. Егіс жұмыстарын 5 маусымға дейін аяқтау жоспарлануда.

Черноярка ауылдық округінде Асайын Байханов 2 мың тонна өнімді сақтауға арналған тоңазытқыш жабдығы бар көкөніс қоймасын салып жатқан «Арман» ШҚ егіс алқабында болды. Мұнда ауданның көкөніс өсірушілерімен тұқыммен қамтамасыз ету, ауыл шаруашылығы өнімдерін сақтау және өткізу мәселелері талқыланды.

Ауданның нақты суармалы жерлерінің көлемі - 15,300 мың га, оның ішінде 500 га - тамшылату әдісімен суарылады. Мичурин алқабын пайдалануға бергеннен кейін суармалы алқап 25 мың га жетеді.

Фермерлермен әңгімелесу барысында әкім ауыл шаруашылығы өнімдері нарығының құбылмалы екенін атап өтті.- Жақсы өнім алған кезде пайда табу үшін өнімнің өзіндік құнын оңтайландырумен айналысатын уақыт келді, - деді өңір басшысы.

Ауданда қазір 375 млн теңгеге «Ауыл - ел бесігі» мемлекеттік бағдарламасы қарқынды іске асырылуда. Бұл балабақша ғимаратын, мәдениет үйін күрделі жөндеу, кентішілік жолдарды орташа жөндеу, Розовка ауылында воркаут-алаң орнату. Сондай-ақ, Асылтұқымды станция ауылының ішіндегі жолдарды жөндеу.

Бонустық қор есебінен 7 жоба іске асырылуда: Кемеңгер ауылында жарықтандыруды күрделі жөндеу, арнайы техникалар сатып алу, 5 балалар-ойын алаңын орнату, Заря ауылында жүгіру жолын, Рождественка ауылында шағын футбол алаңы бар спорт алаңын орнату, Шақат ауылында «Жастар» саябағын абаттандыру, Рождественка ауылындағы клубтың ауласына кесек тастар төсеу, Заңғар ауылындағы клубқа күрделі жөндеу жүргізу.

Жұмыс сапары барысында облыс әкімі ауыл шаруашылығы техникаларына арналған қосалқы бөлшектер, қойма жабдықтарын өндіретін «МТС Береговое» ЖШС-де болды. Кәсіпорын сандық басқару қондырғыларымен жабдықталған, тұқымды дәл себу жабдықтарын орнату бойынша қызметтер көрсетеді.«Agrotara-pvl» ЖШС-де өңір басшысы көкөністерді сақтауға арналған контейнерлер өндіру технологиясымен танысты.

Өткен жылдың күзінде пайдалануға берілген Набережное ауылындағы дәрігерлік амбулаторияның жұмысын тексерді. Мұнда 9 медицина қызметкері ауыл тұрғындарына амбулаториялық-емханалық көмек көрсетеді, күндізгі стационар бар.

Сапар соңында облыс әкімі құны 900 млн. теңге болатын 695 га алаңда «Набережное» ЖШС суармалы учаскесін іске қосу бойынша инвестициялық жобаны тексерді.

Павлодар облысы әкімінің баспасөз қызметіСуреттерді түсірген Валерий Бугаев

Ақпарат көзі: ГУ «Аппарат акима Павлодарской области»