Алматы әуежайында Десанттық-шабуылдау әскерлерінің әскери қызметшілері Мемлекет басшысының қолынан жоғары наградаға ие болған әуе-десанты дайындығы жөніндегі нұсқаушы лейтенант Балжан Мұсатаева салтанатты жағдайда қарсы алды.

Халықаралық әйелдер күні қарсаңында Қазақстан Президенті Қасым-Жомарт Тоқаев Балжан Мұсатаеваға Бауыржан Момышұлы атындағы II дәрежелі "Айбын" орденін табыс етті. Бұл сыйлық оған ерекше еңбегі, ерлігі мен Отанға деген адалдығы үшін берілді.

Әріптестері лейтенант Мұсатаеваны қошеметпен қарсы алып, гүл шоқтарын сыйлады.  Құрмет қарауыл ротасы  салтанатты шараның сәнін келтірді."Бұл марапат менің ғана жетістігім емес, Мен оны еліміздің қорғаныс қабілетін нығайтуға өз үлесін қосқан Қазақстан Десанттық-шабуылдау әскерлері мен Қарулы күштерінің барлық әйелдерінің жанқиярлық еңбегін бағалау деп білемін", - деп атап өтті Балжан.

Балжан Мұсатаева – парашют жүйесін ұшыру желісінде өз бетінше жұмыс істеуге, сондай-ақ оны бақылау мен тексеруге құқығы бар Десанттық-шабуылдау әскерлеріндегі әуе-десанты даярлығын жүргізетін бірден-бір әйел нұсқаушысы. Ол парашютпен жүзден аса секірген.

Ақпарат көзі: Министерство обороны Республики Казахстан