Q UNIVERSITY ОҢТҮСТІК КОРЕЯНЫҢ ЖЕТЕКШІ УНИВЕРСИТЕТТЕРІМЕН ХАЛЫҚАРАЛЫҚ БАЙЛАНЫСТАРДЫ НЫҒАЙТУДА

Q University-де Сангмёнг, Кёнгсон, Сонмун және Хангук университеттерінің өкілдерінен құралған корей делегациясымен кездесу өтті.

Кездесу барысында экскурсиялар, презентациялар, сондай-ақ академиялық және мәдени алмасуларды одан әрі дамыту және ынтымақтастық мүмкіндіктерін талқылау өткізілді.

Кездесудің ең маңызды сәті Q University мен Сангмёнг университеті арасындағы өзара түсіністік туралы меморандумға салтанатты түрде қол қою болды. Бұл меморандум ғылыми-зерттеу, студенттер мен оқытушылар алмасу және бірлескен академиялық бағдарламалар саласындағы ынтымақтастықты кеңейтуге бағытталған.

Оңтүстік Кореядағы ең үздік 20 университеттің қатарына кіретін Сангмёнг университеті 1937 жылы құрылған, ол мәдени және инновациялық зерттеулерге аса назар аударуымен танымал. «Олардың корей мәдени мазмұны мен тарихы бағытында сараптама жасауы біздің бірлескен жобаларымыз бен бастамаларымыз үшін айтарлықтай пайдалы болары сөзсіз. Біз халықаралық байланыстарды нығайтуға, білім беру және мәдени жобаларды бірлесіп дамытуға қуаныштымыз. Сангмёнг, Кёнгсон, Сонмун және Хангук шет тілдері университеттеріне елімізге жасаған сапарлары мен жемісті ынтымақтастық үшін алғыс айтамыз!» - деп атап өтті университет басшылығы.

Ақпарат көзі: Қазақстан Республикасы Ғылым және жоғары білім министрлігі