Қазақстан Республикасы Экология және табиғи ресурстар вице-министрі Жомарт Әлиев Ақтөбе облысының халқымен Алға қаласында кездесті.

Вице-министр атап өткендей, Ақтөбе облысы өнеркәсіптік өңір болып табылады, 2023 жылы шығарындылардың жалпы көлемі 160 мың тоннаны құрады, оның 58,7% (пайызы) мұнай-газ саласына, 26,3% тау-кен өндірісіне келеді.

Облыс бойынша өнеркәсіптік шығарындылардың негізгі үлесі «СНПС-Ақтөбемұнайгаз» АҚ, «Қазақойл Ақтөбе» ЖШС және «Қазхром ТҰК» АҚ сияқты ірі компанияларға тиесілі.

Олардың шығарындыларын бақылау мақсатында мониторингтің автоматтандырылған жүйесі деректерін Министрлікке бере отырып,  енгізу бойынша жұмыс жүргізілуде. Бүгінгі таңда жүйені «Қазақойл Ақтөбе» ЖШС, «Қазхром ТҰК» АҚ-ның Ақтөбе ферроқорытпа зауыты және Дон тау-кен байыту комбинаты, «Gas Prossesing Сомраnу» ЖШС және «Ақтөбе ЖЭО (жылу-электр орталығы)» АҚ енгізді. «СНПС-Ақтөбемұнайгаз»АҚ қазіргі уақытта енгізу бойынша жұмыс жүргізуде.

Бұдан басқа, өнеркәсіптік эмиссиялардың көлемін төмендету мақсатында Министрлік Шығарындыларды кезең-кезеңімен төмендететін даму жоспарын бекітті. Мәселен, 2022 жылдан 2027 жылға дейін республика бойынша 230 мың тоннаға төмендету көзделген.

Осы мақсаттарға қол жеткізу үшін елдің негізгі ірі өнеркәсіптік кәсіпорындары (ТОП 50) бойынша бөлек Қоршаған ортаға эмиссияларды төмендету жөніндегі іс-қимылдың жоспары әзірленді.

Қазірдің өзінде облыс бойынша 2022 жылмен салыстырғанда шығарындылардың 8% - ға төмендеуінің оң динамикасы байқалады.

Аймақтың проблемаларының бірі – рұқсатсыз (заңсыз) орналастырылған қоқыс орындарының болуы. Мәселен, 2023 жылы қалдықтарды рұқсатсыз орналастырылған 292 объекті анықталды, оның 267 немесе 91,4% жойылды.

Облыста қатты тұрмыстық қалдықтарды басқару мәселесін шешу мақсатында Мәртөк, Қобда және Байғанин аудандарында 3 жаңа қатты тұрмыстық қалдықтар (ҚТҚ) полигоны салынды.

Министрлік пен Ақтөбе облысының әкімдігі арасында Ақтөбе қаласының ҚТҚ бөлек жинау және сұрыптау жүйесін енгізу жөніндегі жобаны іске асыру бойынша Жол картасына қол қойылды. Бұл бағыттағы жұмыс жалғасуда.

Кездесудің бағдарламасы бойынша вице-министр азаматтардың жеке қабылдауын және өңірлік бұқаралық ақпарат құралдарына брифинг өткізді.

Ақпарат көзі: Министерство экологии, геологии и природных ресурсов Республики Казахстан