ШҚТУ ЖАТАҚХАНАЛАРЫНДА ЖӨНДЕУ ЖҰМЫСТАРЫ ЖҮРГІЗІЛУДЕ

Д.Серікбаев атындағы ШҚТУ студенттер мен қызметкерлердің әлеуметтік-тұрмыстық жағдайларын жақсарту мақсатында жұмыс жүргізіп жатыр. Шығыс Қазақстан техникалық университетінде үш жатақхана бар, студенттердің жайлы тұруына арналған 1500-ден астам орын қарастырылған.

Жатақханада оқу залы, демалыс бөлмелері, м嬬дициналық пункт, басқа да қажетті бөлмелері материалдық-техникалық ба¬засымен толық қамтылған, студенттердің сабақтан тыс уақытын тиімді өткізуіне мүмкіндік жасалды.

ШҚТУ жатақханаларында тегін тұру құқығы ата-анасының қамқорлығынсыз қалған, мүгедектігі бар студенттер санаттағы білім алушыларға беріледі. Көп балалы отбасылардан шыққан студенттерге жатақханаларда тұруға 50% жеңілдік беріледі. Университет жатақханаларында орындарды объективті бөлу мақсатында орындарды ұсыну студенттің жеке кабинеті арқылы порталда электрондық өтінім беру арқылы жүзеге асырылады. Тұруға арналған ордерлер электрондық кезекке сәйкес беріледі.

Айта кету керек, университетте жатақханаларды жаңа оқу жылына дайындау белсенді түрде жалғасуда. Жатақханаларды абаттандыру және жөндеу жұмыстары студенттердің өмір сүруіне қолайлы жағдай жасау мақсатында жүргізілуде. Барлық жұмыстар мерзімінде аяқталып, студенттер оқу жылының басында жаңа бөлмелеріне орналаса алады.

Ақпарат көзі: Қазақстан Республикасы Ғылым және жоғары білім министрлігі