Шетелдік студенттер Петропавлдағы Аризона университетінің филиалын таңдауда

Шетелдік студенттер Петропавлдағы Қозыбаев университетіне Аризона университетімен бірлескен қос дипломды бағдарламаларына түсу үшін келуде.

Алғашқы талапкер – Екатеринбург қаласынан келген Егор Рохин. Бүгін ол ЖОО-мен білім беру қызметтерін көрсету туралы шартқа қол қойды. Осыған дейін қабылдау комиссиясына келіп оқуға түсуге қажетті құжаттармен танысқан болатын.

Енді ол ресми түрде Қозыбаев университетінің студенті. Егордың өзі атап өткендей, осы университетті бітіргеннен кейін бірден қазақстандық және американдық екі диплом алу мүмкіндігі қызықтырды.

Сондай-ақ ағылшын тілінің деңгейін арттыруға және семестр бойы Аризонада оқуға мүмкіндік беретін шет тіліндегі жетекші профессорлардан оқыту перспективасына қызығушылық танытты. Айта кетейік, шетелдік талапкерлер Қозыбаев университетіне ақылы негізде оқу үшін қос дипломды бағдарламаларға түсуге құқылы.

видео

Ақпарат көзі: Қазақстан Республикасы Ғылым және жоғары білім министрлігі