Шығыс Қазақстан облысының әкімі Ермек Көшербаев Қытай Халық Республикасының Шыңжаң-Ұйғыр автономиялық ауданы Үрімжі қаласында өтіп жатқан 8-ші халықаралық EXPO көрмесіне қатысты.

Халықаралық көрмеде 50 мемлекеттен, аймақтар мен халықаралық ұйымдардан, 30 провинциядан, елдің автономиялық аудандарынан және Шыңжаң өндірістік-құрылыс корпусының  муниципалитеттерінен 1900-ден астам компания мен мекеме жиналды. Дәл осы көрмеде Шығыс Қазақстанның 12 өндірушісі өз өнімдерін ұсынды. Бүгінде Шығыс Қазақстаннан Қытай нарығына тасымалданатын негізгі экспорттық өнім - күнбағыс майы. Әсіресе, отандық түйе сүті – көрші елде сұранысқа ие бірегей өнім. Сондай-ақ, көрмеде шығыста өндірілетін бал, ұн, азық-түлік, кондитерлік өнімдер, зергерлік бұйымдар, ұлттық нақыштағы киімдер және т.б ұсынылды.

Еске салайық, Мемлекет басшысы Қасым-Жомарт Тоқаевтың өткен жылғы Қытайға ресми сапары барысында 2024 жыл «Қытайдағы Қазақстан туризмі жылы» болып жарияланды. Келісім аясында Шығыс Қазақстан облысына Қытайдан келетін туристердің қарасы күннен күнге көбейіп, аймақ белсенді түрде көрші ел азаматтарын қарсы алуда.

Ақпарат көзі: ГУ «Аппарат акима Восточно-Казахстанской области»