Шығыс Қазақстан облысының әкімі Ермек Көшербаев Президенттің Жолдауын жүзеге асыру бойынша бірқатар тапсырмалар берді
Өңір басшысы облыстық басқарма басшыларының қатысуымен кеңес өткізді.
Мемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында 2025 жылды «Жұмысшы мамандықтары жылы» деп жариялады. Жиын барысында облыс әкімі Жолдауды жүзеге асыру бойынша тапсырмаларды уақытылы жүзеге асыру бойынша іс-шаралар жоспарын бекітуді тапсырды.
– Мемлекет басшысының Жолдауын дер кезінде жүзеге асыруға баса назар аудару қажет. Шығыс Қазақстан – аграрлық-индустриалды өңір.
Сондықтан да жұмыс мамандықтарының беделін арттыру – біз үшін басты міндет. Ең өзекті міндеттерді уақытылы орындау үшін жоспар мен жұмыстардың тізімін дайындауды тапсырамын. Мұны қала, аудан әкімдеріне жеткізу маңызды», – деді өңір басшысы.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
