СТУДЕНТТЕРДІ ЖАТАҚХАНАЛАРМЕН ҚАМТАМАСЫЗ ЕТУ БОЙЫНША БІРЫҢҒАЙ БАЙЛАНЫС ОРТАЛЫҒЫ

ҚР ҒЖБМ Жоғары және жоғары оқу орнынан кейінгі білім беру комитеті төрағасының орынбасары Ақерке Абылайхан мен Алматы қаласының студенттік омбудсмені Әділхан Төлепберген жатақханаларға орналастыру мәселелері бойынша студенттерге көмек көрсететін бірыңғай байланыс орталығына келіп түскен сұрақтарды талқылады.

Байланыс орталығы студенттердің жатақхана іздеу және орналасу барысында туындаған мәселелерін жедел шешу, қолжетімді орындар туралы ақпарат беру, жатақханаға орналасу шарттары мен ережелерін түсіндіру мақсатында құрылған. Алдымен студенттерге өз университеттерінің ресми сайттарында және әлеуметтік желілерінде көрсетілген байланыс ақпараты арқылы өз оқу орындарының ахуал орталығына жүгіну ұсынылады.

Орталық қызмет көрсетуден бас тартқан немесе қызмет көрсетпеген жағдайда бірыңғай байланыс орталығына хабарласуға болады. Бірыңғай байланыс орталығы тәулік бойы жұмыс істейді, бұл студенттерге кез келген уақытта қажетті кеңес пен қолдау алуға мүмкіндік береді. Байланыс орталығының қызметкерлері студенттердің сұраныстарына барынша тиімді және жедел жауап беру үшін арнайы оқудан өтеді, бұл қызмет көрсету сапасын арттыруға көмектеседі.

Жоғары оқу орындарының басшылығы мен жатақханалардың әкімшілігі туындаған мәселелерді шешу және студенттердің тұру жағдайларын жақсарту мақсатында байланыс орталығымен белсенді түрде жұмыс істейді.

Орталық студенттердің жайлы және қауіпсіз жағдайда тұруын қамтамасыз етуге, сондай-ақ оқу барысында олардың әлеуметтік қорғалуын және қолдауын қамтамасыз ету мақсатында тәулік бойы қызмет етеді.

☎️: +7 (700) 255-14-43

☎️: +7 (700) 950-95-28

видео

Ақпарат көзі: Қазақстан Республикасы Ғылым және жоғары білім министрлігі