Бүгін Мемлекет басшысының өкімімен Сырымбет Ерденұлы Қаскеев Қазақстан Республикасысының Стратегиялық жоспарлау және реформалар агенттігі төрағасының орынбасары болып тағайындалды.

Реформалар агенттігінің басшысы Жандос Шаймарданов ұжымға төрағаның жаңа орынбасарын таныстыра отырып, Сырымбет Қаскеев өз ісінің кәсіпқой маманы және тәжірибелі басшы екенін, сондай-ақ тағайындалғанға дейін Агенттікте департамент директоры қызметін атқарғанын атап өтті.

***

С.Қаскеев 1992 жылы Қызылорда қаласында дүниеге келген. 2014 жылы М.В. Ломоносов атындағы Мәскеу мемлекеттік университетін қолданбалы математика және информатика мамандығы бойынша бітірген.

2014-2016 жылдар аралығында «Экономикалық зерттеулер институты» АҚ талдамалық зерттеулер және болжамдау орталығының аға сарапшысы, директордың орынбасары лауазымдарын атқарды.

2016 жылдан бастап 2017 жылға дейін «Қазақстанның Даму Банкі» АҚ-да стратегия және жоспарлау департаментінің бас менеджері лауазымында жұмыс істеді.

2017-2020 жылдары «Бәйтерек «Ұлттық басқарушы холдингі» АҚ талдау және зерттеулер департаментінің бас менеджері қызметін атқарды.

2020-2022 жылдары «Бәйтерек «Ұлттық басқарушы холдингі» АҚ жобалық қаржыландыру және инвесторлармен жұмыс департаменті жобасының басшысы қызметін атқарды.

2022-2024 жылдары Қазақстан Республикасы Стратегиялық жоспарлау және реформалар агенттігінің макроэкономикалық саясат департаментінің директоры болды.

С. Қаскеев – президенттік Жастар кадрлық резервінің мүшесі.

Ақпарат көзі: Қазақстан Республикасының Стратегиялық жоспарлау және реформалар агенттігі