Түркістан облысының әкімі Д. Сатыбалдының төрағалығымен а.ж. 24 маусым күні Түркістан облысының әкімдігі жанындағы терроризмге қарсы комиссиясының кезекті отырысы өткізілді.

Комиссия отырысына облыстық терроризмге қарсы комиссияның мүшелері мен құзырлы органдардың басшылары, тиісті департаменттердің басшылары және аудан, қала әкімдері қатысты.

Комиссияның белгіленген жұмыс жоспарына сәйкес, күн тәртібінде:

- Түркістан облысының экстремизмге және терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспарының орындалуы және туындаған мәселелер мен оларды шешу жолдары;

- Терроризм мен діни экстремизм бағытындағы алдын алу шараларын ұйымдастыру барысындағы өзекті мәселелер туралы қала, аудандардың есебі тыңдалып, сала басшыларына оңтайлы шешімдер мен жүйелі шараларды үйлестіру жөнінде тапсырмалар берілді.

Сондай-ақ, қазіргі таңдағы діни ахуал мәселесі және жастарды мектеп табалдырығынан бастап жат ағымдарға қарсы иммунитетін қалыптастыруға бағытталған кешенді іс-шаралардың атқарылуы талқыланды.

Мәжіліс соңында, мемлекетіміздегі діни ахуалдың тұрақталуы туралы негізгі бағаны беретін – халық екендігі атап өтіліп, жоғары мәдениетке және қоғамды тәрбиелеуге негізделген еліміздің рухани байлығын сақтау, одан әрі арттыру үшін жұмыстарды жандандыра беру керектігі айтылды.

Материал Түркістан облысы бойынша ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы