Шымкент қаласы терроризмге қарсы комиссиясы аппаратының ұйымдастыруымен «Әл-Фараби» кітапханасы ғимаратында жергілікті Ұлттық қауіпсіздік комитеті және Полиция департаменттерінің қатысуымен Шымкент қаласының террористік тұрғыдан осал объектілерінің (ТТО) тізбесіне енгізілген діни қызмет саласында жұмыс істейтін (ғибадат үйлер) басшыларымен «Діни объектілерінің терроризмге қарсы қорғалу мәселесі туралы» тақырыпта ақпараттық-түсіндірме семинар-жиналысы өткізілді.

Қатысушыларға бірінші кезекте қазіргі заманғы террористік сипаттағы қатерлер туралы түсіндіріліп, «Террористік сипаттағы қауіп туындаған жағдайда басшылар мен қызметкерлердің бастапқы әрекеттерінің алгоритмі» жеткізілді.

Семинарда ТТО объектісінің меншік иелерінің, басшыларының немесе өзге де лауазымды тұлғаларының қауіпсіздікті қамтамасыз ету бойынша заңды талаптарды орындамағаны үшін көзделген жауапкершілік шаралары туралы аталып өтті.

Шара соңында аталған объектілердің терроризмге қарсы қорғалу жөніндегі нормативтік-құқықтық актілердің қолданылуына түсіндірме беріліп, өзара пікір алмасып, ұсыныстар мен сұрақтарға тиісті жауаптар берілді.

Шымкент қаласының терроризмге

қарсы комиссияның аппараты

Ақпарат көзі: Қазақстан Республикасының Терроризмге қарсы орталығы