2024 жылдың қараша айында Қызылорда облыстық терроризмге қарсы комиссиясы аппараты жұмыс тобының кезекті отырысы өткізілді.

Іс-шараға облыстық жұмылдыру дайындығы басқармасы, дін істері басқармасы, дін мәселелерін зерттеу орталығы, білім басқармасы, денешынықтыру және спорт басқармасы, қоғамдық даму басқармасы, сондай-ақ бейнеконференция байланысы арқылы аудандық терроризмге қарсы комиссия мүшелері және профилактика субъектілері қатысты.

Жиын барысында өңірдегі діни ахуалды сауықтыру мен радикалды идеологияға қарсы иммунитетті қалыптастыру бойынша қабылданып жатқан шаралардың тиімділігі мен нәтижелері пысықталды.

Отырысқа қатысушыларға аталған бағыттағы іс-шаралардың деңгейін жоғарылату бойынша әдістемелік көмек көрсету, барлық деңгейдегі алдын алу субъектілерінің жұмыстарын жетілдіру бойынша теориялық және тәжірибелік сабақтар өткізу мәселелері қарастырылды.

Отырыс нәтижесі бойынша барлық терроризмге қарсы комиссия мүшелеріне тиісті тапсырмалар берілді.

Материал Қызылорда облысы бойынша ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы