ҒЫЛЫМ ЖӘНЕ ӨНДІРІС: МИНИСТР МЕН QARMET ӨКІЛДЕРІНІҢ КЕЗДЕСУІ ӨТТІ ҚР

Ғылым және жоғары білім министрі Саясат Нұрбек жұмыс сапарымен «Qarmet» компаниясына келді. Сапар барысында министр қазақстандық ірі болат және тау-кен өндіру кәсіпорнының ғылыми және өндірістік қызметімен танысты.

Ведомство басшысы Қазақстанның жоғары білім және ғылым жүйесін дамыту және нығайту мақсатында министрлік жүргізіп жатқан реформалар туралы, оның ішінде Орталық Азияда ғылыми-зерттеу академиялық хабын құру жөніндегі жұмыс туралы айтты. Бұл хабтың мақсаты екі миллиардқа жуық халқы бар елдердің аймақтарынан жастарды тарту.

Саясат Нұрбек ғылым мен өндірістің өзара байланысының маңыздылығын атап өтіп, ғылыми кадрларды тікелей өндірістік кәсіпорындарда даярлау қажеттігіне тоқталды. «Қазір біздің мақсатымыз – ғылыми кәсіпорындардың дамуына және ел үшін пайдалы болатын инновацияларды құруға көмектесу», - деді министр. Тараптар индустриялық PhD бағдарламасын енгізу, газсыздандыру және дефосфоризация сияқты өндірістің негізгі міндеттері үшін ғылыми-техникалық шешімдерді іздеу бойынша бірлескен іс-шаралар өткізу арқылы өндірістің сұранысы бойынша кадрларды даярлау мәселелерін талқылады.

Кездесу ағымдағы жылдың қыркүйек айында жергілікті университеттерді тарта отырып, ғылыми-технологиялық хакатон өткізу туралы уағдаластықпен аяқталды. Бұл іс-шара өзекті өндірістік міндеттер үшін нақты шешімдер әзірленетін ғалымдар мен өндірушілердің тығыз өзара іс-қимылын қамтамасыз етеді. Мемлекет қазақстандық ғылымның бәсекеге қабілеттілігін арттыруға және оның ел экономикасына қосқан үлесіне бағытталған бастамаларды қолдауды жалғастыруда.

Бұл бағытта Ғылым комитеті мен Ғылым қоры ғылыми әзірлемелерді коммерцияландыруды ынталандыруда және оларды өндіріске енгізуде шешуші рөл атқарады.

Ақпарат көзі: Қазақстан Республикасы Ғылым және жоғары білім министрлігі