Бас прокуратурада Қырғыз Республикасының Бас прокуратурасы, Президент Әкімшілігі, Еуроодақ өкілдерімен кездесу өтті.

Кездесудің мақсаты халықаралық ынтымақтастықты нығайту, прокурорлық қызметте ІТ-технологияларды қолдана отырып,  заңдылықты және құқықтық тәртіпті қамтамасыз ету мәселелерін талқылау және тәжірибе алмасу.

Кездесу аясында Қазақстан Республикасы Бас Прокурорының орынбасары Ғалымжан Қойгелдиев қонақтарға құқық қорғау қызметін цифрландырудағы Қазақстан прокуратурасы органдарының үйлестіруші рөлі туралы баяндады.

Атап айтқанда, Құқықтық статистика және арнайы есепке алу жөніндегі комитеті жинақталған құқықтық ақпарат негізінде қылмыстық және әкімшілік процестерде, оның ішінде жасанды интеллект элементтері бар ақпараттық жүйелерді енгізіп, дамытуда, олар қазірдің өзінде оң нәтижелер көрсетуде.

Бүгінгі күні істердің 95%-ы электронды түрде тергеп-тексеріледі.

Криминалистикалық зерттеулер мен сараптамаларды тағайындау және алу автоматтандырылды, адвокаттарды электрондық түрде тағайындау көзделген.

 «СДТБТ Жария секторы» бөлімі арқылы процеске қатысушылар өздеріне қажетті сотқа дейінгі іс жүргізудің процестік құжаттарымен қашықтықтан таныса алады немесе сұрата алады.

Азаматтарды қылмыстың жай-күйі туралы ақпараттандыру мақсатында біздің ақпараттық жүйелер негізінде «Геоақпараттық карталар» іске асырылды. Олар көшелерге дейін өзекті ақпаратты көрсетеді.

Сонымен қатар, заңдылық пен құқықтық тәртіпті нығайтуға септігін тигізетін басқа да жүйелер мен қызметтер бар екені атап көрсетілді, олармен делегация Комитет алаңында танысатын болады.

Өз кезегінде, Қырғыз Республикасы Бас Прокурорының орынбасары У.У. Конкубаева Қырғызстанның қылмыстық және әкімшілік процестеріндегі цифрлық жобаларды іске асыруда Қазақстан прокуратурасының оң тәжірибесін белсенді қолданылатын атап өтті.

Тараптар екі елдің прокуратура органдарының арасындағы құқықтық тәртіпті қамтамасыз етуде, оның ішінде ІТ-технологияларды қолдану арқылы одан әрі өзара іс-қимыл жасаудың маңыздылығын атап өтті.

Қырғызстан делегациясы Қазақстан прокуратурасының өкілдерін Қырғызстанға ресми сапармен шақыра отырып, оларды қарсы алғандығы және қызығушылық тудыратын мәселелер бойынша берілген ақпараттар үшін ризашылығын білдірді.

Бас прокуратураның баспасөз қызметі

Ақпарат көзі: Қазақстан Республикасының Бас прокуратурасы