Теміртау қаласының Жастар орталығында “Теміртау қаласы әкімінің жастар кәсіпкерлігін дамытуға және қолдауға арналған гранты” табыстау өтті.   Әкім грантына 139 өтінім жіберілген болатын.Соның ішінде комиссия мүшелерінің ерекше деп таныған 30 жас кәсіпкер жеңімпаз атанды. Әр кәсіпкер 2 000 000 тг грант жеңіп алды.Марапаттарды табыстауға Теміртау қаласының ішкі саясат бөлімінің басшысы Олжабаева Гүлмира Серікқызы,Теміртау қалалық маслихатының депутаты Мамитова Баян Кенжебайқызы, "Жаңа күн"мүгедек балалардың ата-аналары қоғамдық бірлестігінің басшысы Баймурзина Алия Жексенбайқызы, Қазақстан халықтары Ассамблеясының мүшесі Арыстанова Наталья Ивановна, "Қазақстан Республикасында жеке кәсіпкерлікті дамытуға жәрдемдесу қауымдастығы"ҚБ президенті Быков Владимир Анатольевич қатысты.   Әкім гранты биыл 3 жыл өтіп жатыр.Жоба жас кәсіпкерлер мен шағын бизнесті дамыту,жұмыссыздық азайтуға негізделген. Ендігі 30 жоба қаланың дамуы мен көркейуіне үлкен үлес қосады деп сенеміз!Жас кәсіпкерлерге жобаларында сәттілік тілейміз!

Ақпарат көзі: ГУ «Аппарат акима города Темиртау»