Қатты тұрмыстық қалдықтарды қайта өңдеу тиімділігін арттыру және инфрақұрылымды жақсарту шеңберінде өңірлерде жеңілдікті қаржыландырудың жаңа тетігі бекітілді. Бұл қадам қалдықтарды сұрыптауға және қайта өңдеуге арналған заманауи қоқыс таситын машиналар мен жабдықтарды сатып алуға мүмкіндік береді.

Осы мақсаттарға қаражат сыйақы мөлшерлемесі төмен — 3% кәдеге жарату төлемі есебінен бөлінетін болады. Қарыз мерзімі 3 жылдан 15 жылға дейін. Жобаларды іске асыруға үш жылға шамамен 185 миллиард теңге бөлінді.

94 жобадан тұратын алдын-ала тізім жасалды:

* 223 бірлік арнайы техника мен 2050 контейнер сатып алуға 28 жоба.

* Сұрыптау желілерін салуға (19) және жаңғыртуға (2) 21 жоба.

* Қуаттылығы 1,2 миллион тоннадан асатын қайта өңдеу зауыттарын салуға (37) және жаңғыртуға (8) 45 жоба.

Бұл бастамалар қайта өңдеу көлемін жылына 1,5 миллион тоннаға дейін ұлғайтуға және сұрыптау желілерінің қуатын айтарлықтай арттыруға мүмкіндік береді — ағымдағы 1,7 миллион тоннадан 4,7 миллион тоннаға дейін.

Біздің мақсатымыз – экологиялық жағдайды және өңірлердегі өмір сүру сапасын айтарлықтай жақсартатын қалдықтарды басқарудың неғұрлым тиімді және тұрақты жүйесін құру.

Ақпарат көзі: Министерство экологии, геологии и природных ресурсов Республики Казахстан