2024 жылғы 12 қарашада Алматы облысы Қонаев қаласының №19 орта мектебінде экстремизм мен терроризмнің алдын алу мақсатында облыстық Дін істері басқармасы және Дін саласындағы мәселелерді зерттеу орталығының ұйымдастырумен мектеп оқушылары арасында ақпараттық-түсіндіру іс-шарасы өткізілді.

Іс-шараға 165 қатысушы жиналды, оның ішінде оқушылар мен мұғалімдер.

Іс-шараның мақсаты - жасөспірімдердің экстремистік идеологиялар мен зорлық-зомбылықтың зияны туралы ақпараттандыру, сондай-ақ оларда толеранттылық, құрмет және бейбітшілік рухында тұлғаның үйлесімді дамуына ықпал ететін құндылықтарды қалыптастыру.

Кездесу аясында қатысушылар экстремистік топтардан туындайтын негізгі қауіптермен танысып, экстремистік идеологияға тартудың құқықтық және әлеуметтік салдары туралы білді.

Сонымен қатар, іс-шараға қатысушы мұғалімдер жастармен әрі қарай жұмыс істеуге, сондай-ақ олардың кәсіби қызметіне көмектесетін пайдалы материалдар алды.

Материал Алматы облысы бойынша ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы