Ағымдағы жылдың 6-9 тамыз аралығында Ақмола облысы бойынша Сыбайлас жемқорлыққа қарсы іс-қимыл агенттігінің департаменті БҰҰ Есірткі және қылмыс жөніндегі басқармасының үйлестіруімен Целиноград ауданының Ішкі саясат бөлімімен бірлесіп ұйымдастырған Республикалық жазғы жемқорлыққа қарсы мектеп өтті.

Аталған іс-шараға облыс пен Астана қаласының жастар ұйымдарының ЖОО-дары мен жастар қоғамдық бірлестіктерінің көшбасшылары қатысты.

Мектептің негізгі мақсаты жас ұрпақ арасында жемқорлыққа қарсы мәдениетті қалыптастыру және елдің жемқорлыққа қарсы саясатының негізгі факторы ретінде сыбайлас жемқорлыққа нөлдік төзімділік қағидатын ілгерілету болып табылады.

Спикерлер ретінде Агенттік қызметкерлері, БҰҰ өкілдері, сондай-ақ жемқорлыққа қарсы білім беру саласындағы сертификатталған жаттықтырушылар мен сарапшылар сөз сөйледі.

Үш күн бойы мектеп тыңдаушылары жемқорлыққа қарсы саясат пен ұлттық заңнаманы терең зерттеді, білім беру саласындағы халықаралық бастамалармен танысты және жемқорлыққа қарсы іс-қимылдың тиімді құралы ретінде қоғамдық бақылау қағидаттарын игерді.

Жазғы мектеп шеңберінде жас көшбасшылар білім беру саласындағы жемқорлық көріністерін төмендетуге бағытталған жобаларды әзірледі және Қазақстанда сыбайлас жемқорлыққа қарсы саясатты дамыту бойынша өз ұсыныстарын енгізді, олар Сыбайлас жемқорлыққа қарсы қызметтің жұмысында ескерілетін болады.

Іс-шара салтанатты түрде қатысушыларға сертификаттар табыстаумен аяқталды.

Сыбайлас жемқорлыққа қарсы үздік жоба кубокпен марапатталып, белсенді қатысушылар арнайы номинацияларға ие болды.

______

Егер Сіз жемқорлық фактілеріне тап болсаңыз, @antikorkz_bot Telegram-боты немесе 1424 нөмірі арқылы шұғыл хабарлаңыз.

Ақпарат көзі: Агентство Республики Казахстан по противодействию коррупции