Бүгін Ақмола облысының тұрғындарымен және коммерциялық емес ұйымдарының өкілдерімен ҚР Экология және табиғи ресурстар вице-министрі Нұркен Шәрбиевпен кездесу барысында экология, орман шаруашылығын дамыту, рұқсат етілмеген қоқыс үйінділері, қалдықтармен жұмыс істеу және басқа да маңызды мәселелер талқыланды.

Вице-министр Ақмола облысындағы экологиялық жағдай салыстырмалы түрде қолайлы екенін атап өтті.

Мысалы, Ақмола облысы бойынша экопроблемаларды шешу бойынша Жол картасында 30 іс-шара көзделген, оның ішінде бүгінгі күні 10-ы орындалды, атап айтқанда: Аршалы, Зеренді, Ерейментау аудандарында және Көкшетау қаласында жел электр станцияларының құрылысы аяқталды.

Қалдықтармен жұмыс істеу саласында негізгі проблемалар оның әлсіз дамыған инфрақұрылымы, ҚТҚ полигондарының нормаларға сәйкес келмеуі, рұқсат етілмеген полигондардың едәуір саны болып табылады.

Облыста сұрыпталған қайта өңделетін шикізатты сұрыптауды, қабылдауды және өткізуді, сондай-ақ қайта өңделетін шикізатты қайта өңдеуді жүзеге асыратын 4 кәсіпорын жұмыс істейді.

Орман шаруашылығын дамыту бойынша вице-министр Президенттің 2 млрд. ағаш отырғызу бастамасы аясында биыл облыста 13,8 млн. дана отырғызу жоспарланып отырғанын атап өтті, ал жыл басынан бері 2 мың гектар алқапқа 13 млн. дана ағаш отырғызылды.

Бұдан басқа, өткен жылы ұлттық паркте орман өрттерін уақтылы анықтау және жою мақсатында өрттерді ерте анықтау жүйесі енгізілді, ол өзінің жоғары тиімділігін көрсетті.

Сондай-ақ, Н.Шәрбиев азаматтардың жеке қабылдауын өткізіп, онда халықты толғандыратын сұрақтарға жауап берді. Ал іс-шара соңында жергілікті және республикалық БАҚ өкілдері үшін брифинг ұйымдастырылды.

Ақпарат көзі: Министерство экологии, геологии и природных ресурсов Республики Казахстан