Қалалық мәслихаттың кезекті XVIII сессиясы отырысында шаһарымыздың әлеуметтік-экономикалық дамуына бағытталған бірінші жарты жылдықтың жұмыстары туралы талқыланды. Оның ішінде қала әкімі Азамат Бекет су тасқыны салдарын жою бойынша атқарылып жатқан жұмыстарды депутаттарға баяндады.

«Өзіңіз білетіндей, көктемде еліміздің бірқатар өңірлері ауқымды табиғи апат – су тасқынымен күресті. Жергілікті атқарушы органдар су тасқыны салдарын жоюға бар күшін салды. Барлық құтқару жұмыстары менің тікелей бақылауымда болды.Қала бойынша барлығы 2 мың 996 үйге су кірді, оның ішінде, 363 - тұрғын үй, 2 мың 633 - бау-бақша учаскелерінде орналасқан үйлер.Барлық үйлерге техникалық тексеру жүргізілдң, оның ішінде қалпына келтіруге 2 мың 760 үй жатады, 200 үй апаттық деп танылды.

Бүгінгі күні, 6 эвакуациялық пунктте 484 адам бар.

Су тасқынының салдарын жою жұмыстар шеңберінде2 760 отбасыға бюджеттен 9,7 млрд. теңге өтемақы төленді.Сонымен қатар, 1,2 млрд. теңге көлемінде 3 303 отбасыға біржолғы әлеуметтік жәрдемақы берілді.

Бұдан бөлек, апаттық болып танылған үйлердің иелеріне “BI Group” компаниясының, "Қамқор Ақтөбе-2024" қорының және Б.Өтемұратовтың жеке қорының демеушілік есебінен 200 пәтер алынатын болады. Әзірге 136 пәтер сатып алынып, зардап шеккен жерлестерге табысталды. 15 тамызға дейін қалған 64 пәтер сатып алынатын болады. Жалпы осы бағыт бойынша қалпына келтіру жұмыстарын әрі қарай жалғастыратын боламыз», - деді Азамат Бекет.

Ақпарат көзі: ГУ «Аппарат акима города Актобе»