Ағымдағы жылдың наурыз айында Адам құқықтары жөніндегі уәкілдің Ақтөбе облысы бойынша өкілінің атына No1 әлеуметтік көмек орталығында тұратын азаматтан орта арнаулы білім алуға жәрдемдесуді сұраған өтініш түскен.

Екі қолында да туа біткен кемістігі болғанына қарамастан, талапкер ақпараттық технология саласында ерекше қабілеттерін байқатты. Ол өз орталығындағы қарт адамдар мен мүмкіндігі шектеулі жандарға көмектесу үшін компьютер мен интернетті белсенді пайдаланады. Алайда, отбасының материалдық жағдайының қиындығынан талапкер мектептен кейін оқуын жалғастыра алмай, көп ұзамай орталықтың қамқорлығына алынған.

Өкіл Ақтөбе облысының білім басқармасына талапкерге «Ақпараттық технологиялар» мамандығы бойынша орта арнаулы білім алуға көмек көрсету туралы ұсыныспен хабарласты.

Өкілдің уәкілетті органмен бірлесіп ұйымдастырған кеңестері сәтті өткеннен кейін жас жігіт шілде айында Ақтөбе жоғары политехникалық колледжіне құжаттарын тапсырды. Конкурстық іріктеу нәтижесінде ағымдағы жылдың 28 тамызында мемлекеттік квота бойынша білім беру мекемесіне «Ақпараттық жүйелер технигі» мамандығына оқуға қабылданып, білім алуды бастады.

Бұл жағдай мүгедектерге білім алуға және кәсіби өсуге ұмтылуда қолдау көрсетудің маңыздылығын көрсетеді және өкілдік пен білім беру мекемелері арасындағы тиімді әрекеттестіктің айқын мысалы болып табылады.

Ақпарат көзі: Қазақстан Республикасындағы Адам құқықтары жөніндегі уәкіл