Адам құқықтары жөніндегі уәкіл Артур Ластаевтың бастамасымен бірқатар өңірлерде адам құқықтарына арналған «Құқықтық сағат» кең ауқымды кешенді тренингі өтті. Басқа қатысушылардың қатарында дәріске 10-11 сыныптардың 14 000-нан астам оқушысы, сонымен қатар университет және колледж студенттері қатысты. Сондай-ақ шараға оқушылардың ата-аналары, ұстаздар, азаматтық белсенділер, мемлекеттік қызметкерлер мен Уәкілдің өңірлердегі өкілдері шақырылды.Балалар мен жастардың құқықтарын қорғау тақырыбындағы «Құқықтық сағат» аясында Артур Ластаев кездесуге қатысушыларды Уәкіл кеңсесінің қызметімен таныстырып, жұмысының негізгі бағыттарына тоқталды, яғни кез келген тұлға құқықтарының бұзылуына тап болса, оған шағым жасай алады.Онлайн отырыс барысында кәмелетке толмағандар арасындағы бұзақылықтың, жасөспірімдер суицидінің, қылмыстық фактілер мен құқық бұзушылықтың алдын алу тақырыптары талқыланды. Бұл құбылыстардың алдын алу балалар мен жасөспірімдерді тәрбиелеу үшін қауіпсіз ортаны құрудағы маңызды қадам болып табылады және өскелең ұрпақта адекватты және салауатты өмірлік ұстанымды қалыптастыруға оң әсер етеді. Мәселен, дәстүрлі құндылық нұсқауларын енгізудің маңызы зор.Уәкіл биыл балалардың құқықтарын қорғауға және қамтамасыз етуге бағытталған маңызды заң қабылданғанын айтып, Қазақстанда кәмелетке толмағандардың құқықтарын қорғау жөніндегі арнайы орган – Бала құқықтары жөніндегі уәкіл Зәкиева Динара Болатқызы бар екенін еске салды.«Құқықтық сағат» барысында қатысушылар Адам құқықтары жөніндегі уәкілге сұрақ қоюға мүмкіндік алды. Гимназиялардың бірінің 11-сынып оқушысы мектеп оқушылары өздерінің құқықтарын қорғау және қорлаумен күресу туралы нақты ақпаратты қайдан алуға болатынын сұрады.Сұраққа жауап берген Артур Ластаев Маратқа мәселені терең түсінгені үшін алғысын білдіріп, бүгінгі күні қорқыту мәселесі өзекті проблемалардың бірі екенін атап өтті.«Сіз сияқты белсенділердің осы мәселені көтеріп жатқанына өте қуаныштымын. Құқықтық сауаттылықты мектептен бастап көтеруіміз керек.Бұл тақырып тек мектеп оқушыларын ғана емес, бүкіл қоғамды қозғайтындықтан, қорлаудың алдын алу үшін бірігіп жұмыс істеуіміз керек. Қорқыту терең психологиялық жарақат қалдырады және өскелең ұрпаққа әсер етеді, сондықтан зорлық-зомбылық жағдайларына әрекет ету ғана емес, қауіпсіз және құрметті орта құру арқылы олардың алдын алу маңызды», - деді Уәкіл.Құқықтық білім беру – Адам құқықтары жөніндегі уәкіл кеңсесі қызметінің негізгі бағыттарының бірі екенін атап өткен жөн. Осы жұмыс аясында 2024 жылдың 6 айында 64 мыңнан астам адам құқықтық біліммен қамтылды.

Ақпарат көзі: Қазақстан Республикасындағы Адам құқықтары жөніндегі уәкіл