Адам құқықтары жөніндегі уәкіл Артур Ластаевтың тапсырмасы бойынша жұмыс кеңесі өтіп, оның барысында кеңсенің 2024 жылдың 9 айындағы қызметінің қорытындылары шығарылды. Жиында негізгі индикаторлар мен жұмыс нәтижелері талқыланып, одан әрі даму жоспарлары белгіленді.Мәселен, есепті кезеңде 4 859 шағым түскен, бұл 2023 жылдың сәйкес кезеңінен (4 382) 10,8%-ға жоғары. Шағымдардың ең көп саны сотқа дейінгі тергеп-тексеру органдарының әрекеттері мен бейжайлығына (1012 арыз), сот актілерімен келіспеушіліктерге және сотталғандардың құқықтарының бұзылуына қатысты шағымдарға байланысты болды.Сонымен қатар, білім саласына, кәмелетке толмағандар мен мүгедектердің құқықтарының бұзылуына, сондай-ақ ар-ождан бостандығы құқығының бұзылуына қатысты шағымдар көбейген.Дегенмен, есепті кезеңде азаптау мен қатыгездік туралы шағымдар санының азайғанын атап өткен жөн – олардың саны 2023 жылғы 121 жағдайдан 2024 жылы 76-ға дейін азайған. Тиісті тұрғын үйге құқықтың бұзылуы туралы шағымдардың да төмендегені байқалады.Уәкіл мен оның өкілдері тұрақты түрде жеке қабылдаулар өткізіп тұрады. 2024 жылдың 9 айында Уәкіл кеңсесі азаматтарды 2 626 жеке қабылдау жүргізді, бұл өткен жылдың сәйкес кезеңімен салыстырғанда 1,5 есеге көп. Арыз-шағымдарды қарау жұмысының нәтижесінде 277 ұсыныс жолданды, 68 өтінішхат берілді, 85 адам тәртіптік жауапкершілікке тартылды, 4 қылмыстық іс қозғалды.Сондай-ақ есепті кезеңде Уәкіл мен оның өкілдері азаматтарды ұстау жағдайларына мониторинг жүргізу аясында 606 мекеме мен ұйымды аралады. Барулардың қорытындысы бойынша 879 ұсыным беріліп, оның 78 пайызы орындалды.Ағартушылық және құқықтық тәрбие аясында белсенді жұмыстар жүргізілуде. 2024 жылдың

9

айында Адам құқықтары жөніндегі уәкіл мен оның өкілдері жергілікті аймақтарда 810 кездесу, дәрістер мен кеңестер өткізді. Құқықтық білім берумен 187,5 мыңнан астам адам қамтылды, бұл өткен жылдың сәйкес кезеңімен салыстырғанда 11 есеге көп. Президенттің «Адал азамат» тұжырымдамасы аясында тұрғындарға өз құқықтарын, міндеттері мен жауапкершілігін түсіндіру бойынша 186 іс-шара ұйымдастырылды.Уәкіл бастамасымен өткен және еліміздің бірнеше өңірін қамтыған «Құқықтық сағат» ауқымды құқықтық ағарту іс-шарасы маңызды оқиғалардың бірі болды. Негізгі аудитория 14 000 жоғары сынып оқушылары мен студенттерін, 6 000 зейнеткерлер мен еңбек ұжымдарының өкілдерін жинады.Отырыс қорытындысы бойынша Адам құқықтары жөніндегі ұлттық орталық қызметкерлері мен Уәкілдің өңірлік өкілдеріне уәкіл Артур Ластаевтың адам мен адам құқықтары мен бостандықтарын қорғауды одан әрі күшейтуге бағытталған тапсырмаларын мүлтіксіз орындау бағытында нақты тапсырмалар берілді.

 

Ақпарат көзі: Қазақстан Республикасындағы Адам құқықтары жөніндегі уәкіл