Адам құқықтары жөніндегі уәкіл кеңсесінде Салтанат Тұрсынбекованың төрағалығымен Сараптамалық кеңестің кезекті отырысы өтті, оның барысында құқық қорғау қызметіндегі халықаралық стандарттарды сақтау, адам құқықтары саласындағы ұлттық тетікке қатысушылардың баяндамаларын дайындау және өтініштерді қарау мәселелері бойынша әдістемелік құралдар ұсынылды.

Кездесу барысында мамандар түзеу және медициналық-әлеуметтік мекемелерге бару кезінде ұлттық алдын алу тетігі қатысушыларының әлеуетін арттыруға бағытталған құралдарды талқылады. Сараптамалық кеңес мүшелері жеңілдіктер құрылымы, сондай-ақ сұраныстармен жұмыс істеу кезінде қолданылуы қажет әрекеттер алгоритмі бойынша ұсыныстар берді.

Уәкіл кеңсесінің өкілі Жарқынбек Бақашбаев атап өткендей, мұндай құжаттар адам құқықтарының сақталуын бақылау жұмысында анықтамалыққа айналуы тиіс, сондықтан оларды дайындауға ерекше ұқыптылықпен қарау және жан-жақты қол жетімділікті ескеру қажет.Әдістемелік оқу құралдарының алдыңғы қатарлы шетелдік тәжірибені көрсетуі де маңызды, оларды енгізу Уәкіл кеңсесінің тапсырмаларын сапалы орындауына ықпал етеді.

Сараптамалық кеңес мүшелері негізгі қорытындыларды көрсететін Қазақстан Республикасына қатысты жекелеген шағымдарды қарау нәтижелері бойынша БҰҰ-ның шарттық органдарының шешімдері туралы жиынтық ақпаратты енгізуді ұсынды.Сондай-ақ, Сараптамалық кеңес мүшелері Уәкілдің адам құқықтары мен бостандықтарына қатысты өтініштер бойынша қорытындыларды дайындауға қатысуы туралы өз пікірлерін білдірді.

Кездесу соңында қатысушылар алдағы уақытта ынтымақтастыққа дайын екендіктерін айтып, халықаралық стандарттарға сәйкес әдістемелік құралдарды дайындау жұмыстарын жалғастыру қажеттігін атап өтті.

Ақпарат көзі: Қазақстан Республикасындағы Адам құқықтары жөніндегі уәкіл