ҚАЕУ ЖАЗҒЫ КӨШБАСШЫЛЫҚ АКАДЕМИЯСЫ АҚШ-ТА ӨТУДЕ

Америка Құрама Штаттарының Портленд қаласында жыл сайынғы Жазғы Көшбасшылық Академиясы бастау алды. Қазақстан-Американдық еркін университетінің 9 студенті мен магистранттарынан тұратын топ жазғы тағылымдама бағдарламасы бойынша оқуын бастады.

Екі жарым апта ішінде Академия студенттері Портленд, Систерс және Бенд қалаларындағы табысты және жауапты көшбасшылықтың құндылықтарын, қағидаттарын және тәжірибелерін үлгі ететін бірқатар компаниялар мен ұйымдарға барады, бүгінгі көшбасшылар алдында тұрған күрделі мәселелерді талқылап, жеке көзқарастары пен миссияларын жетілдіреді.

«Халықаралық көшбасшылық» бағдарламасы – «Co-Serve International» ұйымымен (АҚШ) және Қазақстан-Американдық еркін университетімен бірлесіп жасалған бірегей бағдарлама. Бұл бағдарлама көшбасшылық қызметтің жаңа тәсілдерін үйрету мақсатында университет студенттеріне, магистранттары мен докторанттарына арналған.

Ақпарат көзі: Қазақстан Республикасы Ғылым және жоғары білім министрлігі