Бүгін Стратегиялық жоспарлау және реформалар Агенттігінің Төрағасы Жандос Шаймарданов Қазақстандағы ЮНИСЕФ өкілі Рашед Мустафа Сарвармен кездесті.

Кездесу барысында тараптар мультииндикаторлық кластерлік зерттеу (MICS) мәселелерін, ЮНИСЕФ-тің Агенттікпен бірлесіп жүзеге асырып жатқан Қазақстандағы балалар мен жасөспірімдер жағдайын талдау (SitAn) аясындағы жаңа бастамаларды талқылап, 2025 жылға арналған жобалар бойынша жоспарлар жасады.

Рашед Мустафа Сарвар, Агенттік пен Ұлттық статистика бюросының MICS зерттеуін жүргізуге қосқан үлесіне ризашылығын білдіре отырып, қазіргі уақытта үй шаруашылықтарының 60%-ы зерттелгенін атап өтті. Оның нәтижелері еліміздегі балалар мен жасөспірімдер жағдайын талдаудың қорытынды буыны болмақ.

Өз тарапынан Жандос Шаймарданов жүргізіліп жатқан зерттеулердің маңыздылығын атап өтіп, Агенттік әлеуметтік реформаларды жүзеге асыруда әрқашан ынтымақтастыққа дайын екенін айтты.

Қорытындылай келе, тараптар ағымдағы және болашақ жобалар бойынша өзара іс-қимылды жалғастыруға келісті.

Ақпарат көзі: Қазақстан Республикасының Стратегиялық жоспарлау және реформалар агенттігі