Алматыда өтетін Ауғанстан тауарлары көрмесінен не сатып алуға болады?
Алматыда өтетін Ауғанстан тауарлары көрмесінен не сатып алуға болады?
ШАФРАН ЖӘНЕ ШАФРАН ШӘЙІ.
Шафран – әлемдегі ең қымбат дәмдеуіш. Бұл Ауғанстанның негізгі экспорттық өнімі болып табылады. Шафранды Герат, Балх, Кандагар, Сари-Поль, Дайкунди және Урузган провинцияларында өсіреді.
Ауғанстанның Өнеркәсіп және сауда министрлігінің мәліметтері бойынша, 2023 жылы ел 67 тонна шафранды 49 миллион АҚШ долларына экспорттаған. Бүгінде ауған шафраны әлемге әйгілі. Ол халықаралық байқауларда жүлделерге ие болып, сапасы басқа өндірушілерге үлгі ретінде көрсетіледі. Бұл ерекше дәмдеуіштің негізгі сатып алушылары - Үндістан, БАӘ, Испания, Сауд Арабиясы, АҚШ, Индонезия, Түркия және Ұлыбритания.
Шафранның құндылығы мен қымбаттығы неде? Шафран гүлдері жылына бірнеше апта ғана гүлдейді. Оларды таңертең ерте, күн шықпай тұрып жинайды. Әр гүлдің кішкентай аналығы – ерекше нәзіктікпен қарауды қажет ететін ғажайып нәрсе. Бір килограмм шафран жинау – мыңдаған адамның еңбегі мен шексіз шыдамдылығын талап етеді, себебі бұл үшін 150 000 гүлді өңдеу керек.
Шафранның әр жіпшесі ерекше хош иіс пен қанық түске ие. Бұл қасиеттер шафранды әлемдегі ең құнды дәмдеуіштердің біріне айналдырды. Оны әлемнің түрлі асүйлерінде, косметология мен емдік мақсатта қолданады.
Өтетін орны:
Алматы қаласы, Тимирязев көшесі, 42, «Атакент» көрме орталығы.
Жұмыс уақыты:
20 қазан сағат 15:30-18:00.
21 қазан сағат 10:00-17:30.
22 қазан сағат 10:00-17:30.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
