Алматы облысында Сауда және интеграция бірінші вице-министрі Айжан Бижанованың өңірдің бизнес қауымдастығының өкілдерімен кездесуі өтті. Кездесудің басты тақырыптары Сауда және интеграция министрлігінің негізгі жетістіктері мен сауда секторын одан әрі дамыту жоспарлары сөз болды.Өз сөзінде Айжан Бижанова сауданың Қазақстан экономикасындағы маңызды рөлін атап өтіп, ЖІӨ-сінің шамамен 18%-ын құрап отырғанын және 1,5 миллионнан астам адамды жұмыспен қамтылғанын айтты. 2023 жылы сауда саласында инвестициялар көлемі 23,6%-ға өсіп, 853,2 млрд теңгеге жетті, бұл осы экономикалық сегментке деген қызығушылықтың артып отырғанын көрсетеді. Сондай-ақ сыртқы сауда көлемі 3,2%-ға артып, 139,9 млрд АҚШ долларына жетсе, шикізаттық емес тауарлар экспорты 2,3%-ға өсті.

Кездесуде сауда базарларын жаңғырту мәселесі де талқыланды. Сауда және интеграция министрлігі сауда базарларын жаңғырту және цифрландыру бойынша белсенді жұмыс жүргізуде. Қазірдің өзінде 140 базар жаңартылды, ал қазіргі заманғы сауда форматтарының үлесі 31%-ға жетті.

Бағдарлама аясында сауда нысандарының цифрлық картасы әзірленуде, мемлекеттік қолдау құралдары мен «үйдегі дүкендер» кооперациясының тетіктері енгізілуде. 115 базарды жаңғырту бойынша Жол картасы жүзеге асырылып жатыр. Базарлар туралы толық ақпаратқа қол жеткізу үшін QR-кодтарды пайдалануға болады.

Айжан Бижанова баға қалыптастыру жүйесінің ашықтығын қамтамасыз етудің маңыздылығын атап өтті. 2024 жылдың тамызында инфляция деңгейі 8,4%-ды құраған жағдайда, мемлекет әлеуметтік маңызы бар тауарлардың бағасын төмендету үшін шаралар қабылдауда, оның ішінде тауарлық интервенциялар және стратегиялық қорларды құру бар. Бағаларды бақылау және көлеңкелі экономикамен күреске ерекше назар аударылып отыр, бұл кәсіпкерлікке қолайлы жағдай жасайды.

Сауда министрлігі халықаралық сауда алаңдарымен бірлесіп, қазақстандық өндірушілерді қолдау тетіктерін әзірлей отырып, инвестициялық климатты жақсарту бойынша белсенді жұмыс жүргізуде. Атап айтқанда, фулфилмент-орталықтар салу және халықаралық онлайн платформаларда павильондар ашу жоспарлары талқыланды.

Кездесуде талқыланған маңызды бастамалардың бірі -Алматы облысында әйелдер кәсіпкерлігін қолдауға бағытталған «Women Business Park» жобасы болды. Жоба әйел-кәсіпкерлерге арналған ақпараттық-консультативтік орталық құруды көздейді. Бұл жеңіл өнеркәсіп, сауда, қызмет көрсету, IT және басқа салаларда 500-ден астам жұмыс орнын ашуға мүмкіндік береді. Пилоттық жоба Алматы облысында іске асырылып, кейін еліміздің басқа өңірлеріне таратылады.Кездесуді соңында Айжан Бижанова бизнес қауымдастықты сауданы жаңғырту және дамыту процестеріне белсенді қатысуға шақырды. Ол бизнес пен мемлекеттің бірлескен күш-жігері Қазақстан экономикасының тұрақты өсуіне қол жеткізуге көмектесетінін атап өтті.

Сондай-ақ, бірінші вице-министр Алматы облысының әкімдігімен кездесу өткізіп, онда өңірдегі сауданың ағымдағы жағдайы, инвестициялардың өсуі және сауда заңнамасын сақтауды бақылауды күшейту мәселелері талқыланды. Әлеуметтік маңызы бар азық-түлік тауарларының (ӘМАТ) бағасын ұстап тұру, отандық өндірушілерді қолдау және олардың өнімдерін экспортқа шығару мәселелеріне ерекше назар аударылды.

Ақпарат көзі: Министерство торговли и интеграции Республики Казахстан