Жобаға сәйкес, екі жылдың ішінде «Қандыағаш-Ембі-Шалқар-Ырғыз» республикалық маңызы бар автожолының 75 шақырымын жөндеу көзделіп отыр.

Шалқар ауданына жұмыс сапарымен барған өңір басшысы Асхат Шахаров құрылыс барысын бағамдап, атқарылып жатқан жұмыстармен танысты.

«Қазавтожол» ҰК» АҚ Ақтөбе облыстық филиалының басшысы Айбол Данағұлдың айтуынша, күре жол учаскелерге бөлініп, жөнделіп жатыр. Жұмыстар Шалқар жағынан басталған. Яғни, Шалқардан Қотыртас ауылына дейін, Ізімбет ауылынан Қандыағашқа дейін. Биыл Шалқар-Қотыртас арасындағы жол пайдалануға беріледі. «Ассана Дор Строй» ЖШС - құрылысқа жауапты.

«Республикалық жол 1960 жылдардың ортасында салынып, бірде-бір жөндеу көрмеген. Жол учаскесінің бойында төрт елдімекен орналасқан: Қауылжыр, Қотыртас, Ембі және Шалқар. Бұдан бөлек, тасжолда Ембі және Қотыртастағы жөнделуі тиі

с,

апатты

қ

жағдайдағы

екі

көпір бар. Бұл көпірлер жолмен байланысады, көлік қозғалысы және халық үшін маңызы зор», - деп түсіндірді Айбол Данағұл.

Айтып өту керек, жол ресайклинг әдісімен жөнделуде, бұл жол жабындысының жоғары сапасын қамтамасыз етеді және жолды ұзақ пайдалануға мүмкіндік береді.

Облыс әкімі барлық жұмысты жоспардан ауытқымай, мерзімінде тапсыруды мердігерлерге міндеттеді.

Ауыл тұрғындарының да сұрайтыны

–

осы.

«Жыл сайын жолдағы көлік ағыны артып келеді. Жергілікті тұрғындар Қандыағашқа немесе облыс

орталығына осы жолмен барады.

Жолдың жағдайы адам шошырлықтай болған еді. Шұңқырлар көліктердің қозғалысын қиындатып, жүру уақыты ұзақ болды. Енді міне жол жөнделіп,

қатынас бірнеше есе жақсарды, жақсарады. Облыста үйлер салынып қана қоймай, жолдар, ауруханалар, мектептер де жөнделіп жатқанын көріп отырмыз. Және бұл дұрыс. Адамдардың өмірін жақсарту және олардың өмір сүруіне қолайлы жағдай жасау қажет», - деді зейнеткер Болатбай Елеусізов әкімге айтқан сөзінде.

Әрі қарай өңір басшысы «Шалқар-Бозой-Нүкіс» жолында атқарылып жатқан жұмыстармен танысты.

Облыстық маңызы бар автожолдың 95-115 және 188-203 шақырымы жөнде

луде. Бірінші учаске, 20 шақырым жолды ретке келтіру жұмыстары «Толағай - 2050» ЖШС мердігерлік ұйымында болған.

Мерзімі тамыз айында аяқталуы тиіс. Мердігер компанияның уақыт жағынан кешігіп жатқанын Асхат Шахаров сынға алды. 

Ал екінші учаскеде «Tauman Construction»

ЖШС 15 шақырымды жөндеуге кіріспек. Сонымен қатар, тағы 60 шақырымды құрайтын трассаны қайта жаңартуға ЖСҚ әзірленді. Жұмыстар жол учаскесінің 115-145 және 145-175 шақырымына жүргізілмек.

Ақпарат көзі: ГУ «Акимат Актюбинской области»