Мемлекет басшысының тапсырмасын орындау шеңберінде Сыбайлас жемқорлыққа қарсы қызмет жолдарды салу және жөндеу саласындағы жемқорлық тәуекелдеріне сыртқы талдау жүргізуде.

Жол құрылысы сапасына тұрақты ашық бақылауды қамтамасыз ету үшін мониторингтік жұмыс тобы құрылды, оған Жолаушылар көлігі және автомобиль жолдары басқармасының, «Қазавтожол» филиалдарының, Жол активтері сапасының ұлттық орталығының өкілдері, сондай-ақ жемқорлыққа қарсы еріктілер кірді.

Қарағанды облысында «РФ шекарасы (Екатеринбург) – Алматы» республикалық маңызы бар трассасын, «Қарағанды – Балқаш» және «Балқаш – Бурылбайтал» учаскелерін қоса алғанда, Жамбыл облысымен шекараға дейінгі сегіз автомобиль жолының құрылыс барысы талданды.

Шет ауданының маңындағы «Қарағанды – Балқаш» автожолының кейбір учаскелері бойынша халықтың шағымдары түсті.

Топтың шығуы барысында жолды қайта жаңарту кезінде ақаулар анықталды.

Жабын ақауларының негізгі себебі – жабынның төменгі қабаты бойымен ауыр жүк көлігінің қозғалысынан түсетін жүктеме, өйткені қозғалыс жол қаптамаларының нақты аяқталмаған дизайны бойынша жүзеге асырылады.

Жол пайдалануға берілмеген, жұмыстар жалғасуда. Кемшіліктерді жоюды түрік қосалқы мердігерлері өз мойнына алды («Сине Мидас Строй» ҚМ» ЖШС).

Ақаулар жойылды және сынақ нәтижелері ҚР (стандарттарына) СТ 1225-2019 сәйкес келеді.

Жабынның жоғарғы қабатын 2024 жылғы 30 тамызға дейін аяқтау және жолды 30 қарашаға дейін абаттандыруды қамтамасыз ету жоспарлануда.

Жұмыс тобы жұртшылықпен бірлесіп, бизнес субъектілерінің қызметіне араласпай, ай сайын басқа объектілерге ұқсас сапарлар жүргізетін болады.

ТЕЛЕАРНАЛАР ҮШІН ВИДЕО: https://disk.yandex.ru/d/urHFKtZRJZ0j-g

_____

Егер Сіз жемқорлық фактілеріне тап болсаңыз, @antikorkz_bot Telegram-боты немесе 1424 нөмірі арқылы шұғыл хабарлаңыз.

 

Ақпарат көзі: Агентство Республики Казахстан по противодействию коррупции