Қарақұрт - өте улы өрмекші, далалы жерлерде мекендейді. Денесі шағын, түсі қара. Әсіресе ұрғашы қарақұрт улы болып келеді.

Қарақұрттар Жасыбай бөлімшесінің 6- орамында Баянауыл МҰТП аумағында, сондай-ақ Торайғыр ауылдық округінің аумағында байқалды.

Ғылым және мониторинг бөлімінің мамандары, Жасыбай бөлімшесінің мемлекеттік инспекторларымен бірлесіп биыл 523 қарақұрттың жұмыртқасы мен 124 аналығы жиналып, жойылды. Қарақұрттың жұмыртқасы мен аналықтарын жинау және жою жұмыстары жалғасуда.

Бұл мәселе Баянауыл ауданы әкімдігінің және Торайғыр ауылдық округінің бақылауында. Жергілікті тұрғындар мен демалушылар арасында түсіндіру жұмыстары жүргізілуде.

Осы уақытқа дейін шағу фактілері тіркелген жоқ.

Ақпарат көзі: Министерство экологии, геологии и природных ресурсов Республики Казахстан