ҚАРИУ МЕН KAZRENA ЫНТЫМАҚТАСТЫҒЫ АКАДЕМИЯЛЫҚ ҰТҚЫРЛЫҚТЫ ДАМЫТУ ҮШІН ЖАҢА МҮМКІНДІКТЕР АШАДЫ

KazRENA ғылыми-білім беру компьютерлік желісін пайдаланушылар қауымдастығының негізгі мақсаты – бірыңғай ғылыми-білім беру компьютерлік желісін құру арқылы елдегі білім беру мен ғылыми зерттеулердің сапасын арттыруға жәрдемдесу.

Қауымдастықтың жаңа бағыттарының бірі – бұл WiFi арқылы ұсынылатын жаһандық роуминг қызметі EDUROAM жобасын енгізу болды. Бұл жобаға қатысу перспективалары KazRENA бас директоры Борис Джапаровтың Қарағанды индустриялық университетіне сапары барысында талқыланды. «Бүгінгі таңда осы жаһандық жүйеге бүкіл әлем бойынша 6 мыңнан астам университет қосылған. Қазақстанда жоба жақында басталды, оның қатысушыларының бірі ҚарИУ болды.

Білім беру роумингінің негізгі идеясы – бұл жүйеге кіретін кез-келген университет студенттері немесе қызметкері басқа білім беру немесе ғылыми мекеменің, жүйенің қатысушысының WiFi желісіне өзінің жеке куәліктерімен (мысалы, логин және пароль) қай елде екеніне қарамастан автоматты түрде қосылады. Бұл академиялық ұтқырлықты дамыту үшін өте ыңғайлы», - деп түсіндірді Борис Джапаров.

Бұдан басқа, KazRENA «Орталық Азия ғылыми-білім беру желісі» (CAREN) Еуропалық Комиссиясының жобасының қатысушысы және GEANT жалпыеуропалық ғылыми-білім беру желісінің ресурстарына қол жеткізе алады. GEANT сервистері еуропалық және жаһандық ғылыми ынтымақтастықты дамыту үшін базаны қалыптастырады, жоғары жылдамдықты арналарды ұсынуды және бүкіл әлем бойынша деректерді беруді қамтамасыз етеді.

Ақпарат көзі: Қазақстан Республикасы Ғылым және жоғары білім министрлігі