Ұлттық аккредиттеу орталығында EN 9100 стандарты бойынша «Сапа менеджменті жүйелері. Авиациялық, ғарыш және қорғаныс ұйымдарына қойылатын талаптар» атты оқыту басталды. Стандарт авиация, ғарыш және қорғаныс өнеркәсібі үшін өнімдерді жобалайтын, әзірлейтін және өндіретін, осы салалар үшін техникалық қызмет көрсетуді, жөндеуді, қосалқы бөлшектер мен материалдарды жеткізуді, сондай-ақ авиациялық, ғарыш және қорғаныс өнеркәсібіне арналған компоненттерді шығаруды және жеткізуді, әуежайлар мен авиакомпанияларды пайдалануды, ұшуды басқаруды және жүктерді тасымалдауды қамтамасыз ететін ұйымдарға арналған.

Ғарыш айлағы , спутниктер, аэроғарыштық және басқа да өнеркәсіп салаларына арналған тораптар мен бөлшектер өндіретін Астанадағы ұлттық аэроғарыш орталығы бар, ғарышқа адам ұшыру тәжірибесіне ие, авиация мен қорғаныс саласында белсенділік танытатын Қазақстан үшін EN 9100 стандарты өте маңызды.  Осыған байланысты, Ұлттық аккредиттеу орталығы Қазақстан Республикасы Сауда және интеграция министрлігінің Техникалық реттеу және метрология комитетінің қолдауымен осы стандартты Қазақстанда аккредиттеуді дамытудың басым бағыттарының бірі ретінде қарастыруда.

Екі күндік оқу барысында Оңтүстік Кореяның КАВ аккредиттеу органының бизнесті дамыту жөніндегі бас менеджері, AQMS бағалаушысы Dr. Sub Han дәріс береді.  Қазақстан мен Оңтүстік Корея арасындағы мемлекетаралық қатынастардың үлгісіне айналған ұзақ мерзімді достық қарым-қатынастардың арқасында ҰАО мен КАВ арасындағы ынтымақтастық одан әрі нығайып, КАВ серіктестері Астанадағы семинардың ақпараттық бөлігін, оның ішінде аудармасын да қамтамасыз етті.

Онлайн аудиториядағы тыңдаушылар қатарында  Қазақстан Ғарыш Сапары ҰК АҚ, Ғарыш техникасы және технологиялар институты ЖШС, ҚР цифрлық даму, инновациялар және аэроғарыш өнеркәсібі министрлігінің Аэроғарыш комитеті, Республикалық ғарыштық байланыс орталығы АҚ, Бәйтерек АҚ және басқа да мемлекет үшін стратегиялық маңызды салаларда аккредиттеу, сертификаттау, стандарттау, сапа менеджменті жүйелері, инженерия салаларындағы 30-ға жуық отандық маман бар.

Оқу барысына қатысушылар EN 9100 стандартының авиация мен ғарыш сапасына, авиация, ғарыш және қорғаныс өнеркәсібіндегі менеджментке қойылатын талаптармен, осы бағыттағы ережелер мен нормалармен танысады.

Стандартизированная СМК в этих приоритетных для государства отраслях открывает их продукции и услугам доступ на внешние рынки, помогает расширить присутствие Казахстана в авиации и космонавтике, достигать новых целей в области качества и эффективности менеджмента в компаниях аэрокосмического и оборонного комплекса.

Мемлекет үшін басым салалардағы стандартталған СМЖ осы салалардың өнімдері мен қызметтеріне сыртқы нарыққа жол ашып, Қазақстанның авиация мен ғарыш саласындағы қатысуын кеңейтуге, аэроғарыш және қорғаныс кешені компанияларындағы сапа мен тиімділік менеджменті саласындағы жаңа мақсаттарға қол жеткізуге көмектеседі.

Ақпарат көзі: Министерство торговли и интеграции Республики Казахстан