«Халық үніне құлақ асатын мемлекет» тұжырымдамасын іске асыру Қаржы министрлігінің қоғаммен өзара байланыс орнату кезінде белсенді және ашық ұстанымын көздейді. Мемлекет басшысы Қазақстан халқына арнаған Жолдауында азаматтардың сұраныстары мен қажеттіліктерін дәл айқындауға септесетін өтініштермен тиімді жұмыс істейтін бірыңғай экожүйені құруды жүктеген еді.  

Бұл идеяны жүзеге асыру мақсатында министрлікте Өтініштермен жұмыс істеу орталығының қызметі жолға қойылғанын айта кетейік. Мұнда кез келген адамға толғандырған мәселе бойынша түсініктемелер мен қажетті кеңес беріледі.

Сондай-ақ өтініш берушілердің ұсыныстарын сапалы және уақтылы қарау арқылы өзекті мәселелер жедел шешіледі. Аталған орталықта таяуда Қазақстан Республикасының Қаржы министрі Мәди Такиев азаматтарды жеке қабылдауын өткізді. Оның барысында ұсыныстар мен шағымдарды мұқият қарау үшін Мемлекеттік кірістер комитеті мен ведомство департаменттерінің қызметкерлері қарқынды жұмыс істеді.

Барлығы 10-ға жуық өтініш қаралды. Олар кедендік және салықтық әкімшілендіру, сондай-ақ аудит пен сапалы болжауға қатысты болды.  

Мәди Төкешұлы келген азаматтардың барлық сұрағына толық әрі тұшымды жауап қайтарды. Қосымша қарауды және уақытты қажет ететін мәселелер министрдің жеке бақылауына алынды. Комитеттер мен құрылымдық бөлімшелердің басшыларына тиісті тапсырмалар берілді.  

Азаматтардың жеке қабылдау кестесімен ҚР Қаржы министрлігінің ресми сайтында танысуға болады.

Ақпарат көзі: Министерство финансов Республики Казахстан