Бүгін Астанада Қазақстан Республикасы Энергетика министрлігінің қолдауымен АЭХА-нің

«Stakeholder Engagement for a Nuclear Power Programme»

атты үш күндік ұлттық семинары басталды.

Министрлік өкілі өз сөзінде

«

Қазақстандағы бірінші атом электр станциясының құрылысы туралы халықты хабардар ету бойынша ақпараттық-түсіндіру жұмыстарын жүргізу Қазақстанда АЭС салуға қатысты жалпыұлттық референдум өткізуге дайындықтың ажырағысыз бөлігі болып табылады» деп атап көрсетті. Өз кезегінде АЭХА сарапшысы ядролық- энергетикалық бағдарламаның барлық аспектілері бойынша мүдделі тараптар арасындағы ашық және уақтылы өзара іс-қимылды қолдаудың маңыздылығына тоқталып өтті.

Семинар қатысушылардың ядролық энергетиканы дамыту және Қазақстандағы ядролық энергетикалық бағдарламаны әзірлеу контекстінде мүдделі тараптармен өзара іс-қимыл туралы білім деңгейін арттыруға, сондай-ақ осы саладағы басқа елдердің тәжірибесіне шолу жасауға бағытталған.

Семинарға қатысуға мүдделі мемлекеттік органдардың өкілдері мен Қазақстанның атом саласының сарапшылары шақырылды.

Іс-шара Қазақстан мен АЭХА арасындағы атом энергиясын бейбіт мақсатта пайдалану саласындағы ынтымақтастық аясында өтіп жатыр және 2024 жылдың 31 мамырына дейін жалғасады.

Анықтама үшін:

Мүдделі тараптардың қатысуы ядролық инфрақұрылымның 19 элементінің бірі болып табылады, оның тұжырымдамасын АЭХА 2007 жылы «Атом энергетикасының ядролық инфрақұрылымын дамытудың маңызды кезеңдері» құжатында тұжырымдаған.

Мемлекет басшысы 2023 жылғы 1 қыркүйектегі «Әділетті Қазақстанның экономикалық бағыты» атты Қазақстан халқына Жолдауында Қазақстандағы атом электр станциясын салу, бұл мәселені халықпен ашық талқылау жүргізіп барып, жалпыхалықтық референдум өткізу туралы бастама көтергендігін естеріңізге саламыз.

Референдум қорытындысы бойынша оң шешім қабылданған жағдайда АЭС құрылысы жобасын іске асыру бойынша жұмыс жалғасын табады.

Ақпарат көзі: Министерство энергетики Республики Казахстан