ҚР ТЖМ қызметкерлерінің халықаралық спорт аренасындағы табыстары туралы мақтанышпен хабарлаймыз. Осы айда біздің әріптестеріміз Джиу-Джитсудан әлем чемпионатында және NOMAD MMA әлем чемпионатында біздің ведомство мен елді дәріптеп, ерекше шеберлік пен табандылық танытты.

Джиу-джитсудан әлем чемпионаты:

Астана қаласының 17-ӨСБ аға өрт сөндіруші-құтқарушысы Баққуар Хамзе JU-JITSU HIF CONTACT бөлімінде 85 кг салмақ дәрежесінде Джиу-джитсудан әлем чемпионатында құрметті екінші орын алды. Ираклион (Греция) қаласында өткен чемпионатқа әлемнің ең үздік спортшылары жиналды. Баққуар Хамзенің жетістігі табандылық пен берілгендіктің жарқын көрінісі, сонымен қатар біздің құтқарушыларымызға тән жоғары дайындық пен рухтың дәлелі болды.

NOMAD MMA әлем чемпионаты:

24-27 қазан аралығында Қарағандыда NOMAD MMA бойынша әлем чемпионаты өтті, оған 15 елден 1132-ден астам жауынгер жиналды. Ақмола облысы ТЖД қызметкерлері Олег Пехотин мен Айдос Сабдин алтын медаль жеңіп алып, чемпион атанды.

Сонымен қатар, бұл турнирде Қостанай облысы ТЖД Талғат Базарбаев, Николай Ильчук және Даниал Тастемиров күміс медальдарға ие болды. Олардың жетістіктері қызметкерлердің өз ісіндегі кәсіпқойлар ғана емес, сонымен қатар жоғары деңгейде бәсекеге қабілетті табысты спортшылар екенін дәлелдейді.

Барлық жетістіктер спортшылардың жоғары біліктілігін, спорттық рухын және командалық көзқарасын көрсетеді. Біз өз спортшыларымызды мақтан тұтамыз және олардың жетістіктері бәрімізге шабыт беретініне сенімдіміз!

Барлық жеңімпаздар мен жүлдегерлерді құттықтаймыз, жаңа биіктер мен жетістіктер тілейміз!

Біздің күшіміз бірлікте!

Ақпарат көзі: Министерство по чрезвычайным ситуациям Республики Казахстан