Джизак облысының "Фориш" полигонында Орта Азия елдерінің әскери қауіпсіздігін қамтамасыз ету тақырыбы бойынша "Хамкорлик-2024" бірлескен тактикалық оқу-жаттығуының салтанатты ашылу рәсімі өтті.

Іс-шаралар Өзбекстан Қарулы күштері Орталық әскери округі әскерлерінің қолбасшысы полковник Фаррух Зиябаевтың басшылығымен өткізіліп жатыр.

– "Хамкорлик-2024" оқу-жаттығуы – екі ел арасындағы екіжақты қатынастарды нығайтады. Бірлескен штабтық және жауынгерлік іс-қимыл тәжірибе алмасуға, Қазақстан мен Өзбекстан қарулы күштері бөлімшелерінің өзара іс-әрекет машықтарын жақсартуға, кез келген сын-тегеуріндер мен қауіп-қатерлерге жедел ден қою үшін жауынгерлік әзірлікті арттыруға мүмкіндік береді, – деді Қазақстан контингентінің командирі, "Оңтүстік" өңірлік қолбасшылығы әскерлері қолбасшысының орынбасары полковник Ержан Мейірманов.

Оқу-жаттығуға басқару контингенті ретінде Қазақстан Қарулы күштері "Оңтүстік" ӨңҚ әскерлері қолбасшысы басқармасының офицерлері және Өзбекстан Қарулы күштері Орталық әскери округі басқармасының аппараты тартылды.

Қазақстан тарапы оқытылатын басқару органдары ретінде "Оңтүстік" ӨңҚ 83395 әскери бөлімінің әскери қызметшілерін, Өзбекстаннан – Орталық әскери округтің біріккен жасағын белгіледі.

Оқу-жаттығуда шартты қарсыластың мықты жасақтарының Мемлекеттік шекараға кіруі және негізгі күштерімен оны бұзып өтуі кезіндегі бөлімшелерді басқару мәселелері орындалады. Операция барысында күзет заставалары арасынан елді мекендерге өтіп кеткен қарсыластың шағын топтарын жою іс-әрекеті де пысықталады.

Ақпарат көзі: Министерство обороны Республики Казахстан