ҚР Қаржы вице-министрі Даурен Кеңбеил Еуразия тұрақтандыру және даму қорының (бұдан әрі-ЕТДҚ, Қор) стратегиялық сессиясына қатысып, сөз сөйледі.Сессияға қатысушылар Қордың толыққанды дербес халықаралық ұйымға айналуына байланысты ЕТДҚ 2022-2026 жылдарға арналған стратегиясын аралық бағалау және өзектендіру қорытындыларын талқылады.«Қордың жаңа мәртебесі өңірде қатысушы мемлекеттердің басымдықтарына сәйкес жобаларды басқару тетіктерін дамытуға жәрдемдесудің қосымша мүмкіндіктерін ашады»,-деп атап өтті Даурен Кеңбеил.Сондай-ақ, ЕТДҚ қызметінің негізгі стратегиялық міндеттері мен басым бағыттары, Қордың тұрақтандырушы қолдауды қамтамасыз ету, реципиент елдердің тұрақты дамуына жәрдемдесу жөніндегі әлеуетін дамыту және ЕТДҚ қызметінің басқа да аспектілері атап өтілді.Бұдан басқа, сессия аясында Ресей Қаржы Министрінің орынбасары И.А. Чебесковпен екіжақты кездесу өтті, онда даму институттарының қызметі аясындағы өзара іс-қимылды нығайту мәселелері қаралды.

Ақпарат көзі: Министерство финансов Республики Казахстан