ҚР Бәсекелестікті қорғау және дамыту агенттігі 2023 жыл және 2024 жылдың қаңтар – сәуір айларында теміржол көлігімен жүк тасымалдау қызметтері нарығына талдау жүргізді.

Нарықты талдау нәтижелері бойынша үлесі 70%-дан асатын «ҚТЖ-Жүк тасымалы» ЖШС-нің жоғары шоғырлануы және үстем жағдайы анықталды.

Талдау барысында бәсекелестіктің дамуына кері әсер ететін  кедергілер мен проблемалық мәселелер анықталды. Бұл Ұлттық инфрақұрылым операторының функцияларын бөлудің аяқталмауы, ұлттық тасымалдаушының еншілес кәсіпорындарының артықшылықты жағдайда болуы, жеке тасымалдаушыларда МТЖ қызметтеріне ұзақ мерзімді қолжетімділіктің болмауы, сондай-ақ Ұлттық инфрақұрылым операторының ақпараттық жүйелеріне қолжетімділіктің және жүйелерді интеграциялау мүмкіндігінің болмауы және т. б.

Жалпы алғанда, жүк темір жол тасымалы нарығының монополиялық жағдайы және оған жеке тасымалдаушылардың қолжетімділігінің болмауы жүк темір жол тасымалы нарығының инвестициялық тартымдылығын, локомотивтер паркін жаңарту мен кеңейтуді төмендетеді.  Бұл өз кезегінде  қызметтердің сапасы мен құнына әсер етеді.

Анықталған кедергілер бойынша Агенттік Көлік министрлігімен бірлесіп теміржол көлігімен жүк тасымалдау қызметтері нарығында бәсекелестікті дамыту жөніндегі Жол картасы қабылданады, осыған байланысты одан әрі жұмыс жүргізу үшін тиісті ұсынымдар жолданды..

Талдаумен толығырақ мына жерден танысуға болады.

https://www.gov.kz/memleket/entities/zk/documents/details/694222?lang=ru

Ақпарат көзі: Агентство по защите и развитию конкуренции Республики Казахстан