Қазақстан Республикасының Бәсекелестікті қорғау және дамыту агенттігінде Республика күніне орайластырылған салтанатты жиналыс өтті. Іс-шара барысында Агенттік қызметкерлері мемлекеттік марапаттармен – ордендермен, медальдармен, құрмет грамоталарымен және алғыс хаттармен марапатталды. Бұл марапаттар олардың бәсекелестікті дамытуға және елдің экономикалық тұрақтылығын нығайтуға қосқан маңызды үлесінің мойындалуы болды.

«Сіздерді шын жүректен Республика күнімен құттықтаймын! Республика күні – еліміздің барлық азаматтары үшін ерекше мереке. Бәсекелестікті қорғау және дамыту агенттігінің ең құнды активі – ол сіздерсіздер! Әрбір қызметкер Қазақстанда бәсекелестікті дамытуға үлкен үлес қосып, өз жұмысында барлық күш-жігерін аямай қызмет атқарып келеді. Биыл сіздердің еңбектеріңіз арқасында бірнеше ірі тергеп-тексеру аяқталды. Біз жекешелендіру жөніндегі Ұлттық Кеңсенің отырысын өткіздік. Технологиялардың қарқынды даму ғасырында көштен қалмай   Цифрландыру департаменті құрылды. Алда әлі де көптеген міндеттер бар. Баршаңызға зор денсаулық және отбасыларыңызға амандық тілеймін!» - деді құттықтауында БҚДА Төрағасы Марат Омаров.

Қазақстан Республикасының Президенті Қ.К. Тоқаевтың 2024 жылғы 16 қазандағы № 675 Жарлығына сәйкес, мемлекет алдындағы ерекше еңбегі үшін «Құрмет» орденімен Агенттік аппаратының басшысы Алмас Исақов және Тергеп-тексеру департаментінің директоры Жандос Сматов марапатталды.

«Ерен еңбегі үшін» медалімен Индустрия, мемлекеттік қолдау және сатып алу департаментінің директоры Әлібек Тюлюбеков, Ақтөбе облысы бойынша департаменті басшысының орынбасары Сауле Бақберген және Тергеу департаментінің бас консультанты Дана Альмағамбетова марапатталды.

Қазақстан Республикасының Мемлекеттік қызмет істері агенттігінің 2024 жылғы 17 қазандағы № 177 бұйрығына сәйкес, орталық аппараттың 11 қызметкері және аумақтық департаменттердің 17 қызметкері жоғары кәсіпқойлығы және Агенттікті дамытуға қосқан үлесі үшін құрмет грамоталарымен марапатталды. Орталық аппараттың тағы 7 қызметкері және өңірлік бөлімшелерден 17 қызметкер алғыс хаттармен марапатталып, оларға жүктелген міндеттердің сәтті орындалғаны атап өтілді.

Ақпарат көзі: Агентство по защите и развитию конкуренции Республики Казахстан